ଅନୁଧ୍ୟାନ ପାଇଁ ସ୍ୱତନ୍ତ୍ର ଦଳ

କୁଚିଣ୍ଡା(ବଡ଼ ଖବର ବ୍ୟୁରୋ): କୁଚିଣ୍ଡାରେ ଧାନ ବିକ୍ରିକୁ ନେଇ ଲାଗିରହିଛି ଅଚଳାବସ୍ଥା । ପ୍ରତିବାଦରେ ଚାଷୀ ରାଜରାସ୍ତା ଅବରୋଧ ପାଇଁ ଚେତାବନୀ ଦେଇଛନ୍ତି । ଏହାର ଅନୁଧ୍ୟାନ ପାଇଁ ଚାରି ଜଣିଆ ସ୍ୱତନ୍ତ୍ର ଟିମ ବିଭିନ୍ନ ମଣ୍ଡି ପରିଦର୍ଶନ କରିଛନ୍ତି । ଟିମରେ ସମବାୟ ରେଜିଷ୍ଟ୍ରାରଙ୍କ ସମେତ ଜ଼ିଲ୍ଲା ଓ ଉପଖଣ୍ଡ ସମବାୟ ଅଧିକାରୀ ସାମିଲ ହୋଇଛନ୍ତି । ବର୍ତ୍ତମାନ ସୁଦ୍ଧା କୁଚିଣ୍ଡା ଉପଖଣ୍ଡରେ ୧୦୭୨୬୭ ବସ୍ତା ଧାନ ପଡ଼ିରହିଛି । ଚାଷୀ କେନାଢ଼ିପା ମଣ୍ଡିରେ ସ୍ୱତନ୍ତ୍ର ଟିମଙ୍କ ସହ ଟୋକନ ସମସ୍ୟା, କଟନି ଛଟନୀ , ଧାନ ଲିଫଟିଙ୍ଗ ସମସ୍ୟା ଉପରେ ଆଲୋଚନା କରିଥିଲେ । ଚାରି ଜଣିଆ ଟିମରେ ସମବାୟ ରେଜିଷ୍ଟର ସୁଶାନ୍ତ ବାରିକ, ସମବାୟ ନିବନ୍ଧକ ଲିଙ୍ଗରାଜ ନାୟକ, ଭାରପ୍ରାପ୍ତ ସହ ନିବନ୍ଧକ ଭବାନୀ ନାୟକ ଓ ସହନିବନ୍ଧକ ଗୋପାଳ ପୁରୁଷେଠ ସାମିଲ ହୋଇଛନ୍ତି ।