ମୁନିଗୁଡ଼ା(ବଡ଼ ଖବର ବ୍ୟୁରୋ): ଆବାସ ଯୋଜନାରେ ଘର ପାଇଁ ସୁଦ୍ଧା ୮ ବର୍ଷ ହେବ ଜରିପାଲ ତଳେ ଜୀବନ ବିତୁଛି । ଦଦରା ମାଟି କୁଡ଼ିଆରେ ବିତୁଛି ୬ ପ୍ରାଣୀଙ୍କ ଜୀବନ । ରାୟଗଡ଼ା ଜିଲ୍ଲା ମୁନିଗୁଡା ବ୍ଲକ ଅମ୍ଳାଭଟ୍ଟା ପଞ୍ଚାୟତ ଷ୍ଟେସନ କୁମୁଡାବାଳୀ ଗ୍ରାମର ପବିତ୍ର ସୁନାଙ୍କ ସ୍ତ୍ରୀ ସବିତା ସୁନାଙ୍କୁ ୨୦୧୩-୧୪ରେ ଆବାସ ଯୋଜନାରେ ଅନ୍ତର୍ଭୁକ୍ତ କରାଯାଇଥିଲା । ମିଳିଥିଲା ୭୫ ହଜାର ଟଙ୍କା । ଘର ତିଆରି ପାଇଁ ଅସମର୍ଥ ପବିତ୍ର ଠିକାଦାର ହାତକୁ ଟେକି ଦେଇଥିଲେ ଦାୟିତ୍ୱ । ୮ ବର୍ଷ ବିତିଗଲା । ଘର ସମ୍ପୂର୍ଣ୍ଣ ହୋଇପାରିଲା ନାହିଁ ।
ଠିକାଦାର ବ୍ଲକ ଅଫିସରେ ଧରାଧରି କରି ଫାଇନାଲ ବିଲ୍ ଉଠାଇ ନେଇଛନ୍ତି । ପବିତ୍ର ବାରମ୍ବାର ବ୍ଲକ ଅଫିସକୁ ଦୌଡି ଦୌଡି ନୟାନ୍ତ ହୋଇଗଲେଣି । ଜରିପାଲଟାଣି ଭଙ୍ଗାଦଦରା ଘରେ ପବିତ୍ର ପିଲାଛୁଆଙ୍କୁ ନେଇ ପଡିରହିଛନ୍ତି । ବ୍ଲକର ଜେଇ, ବିଡିଓ ପିସି ଖାଇଲେ, ଲାଭ ଉଠାଇଲେ ଠିକାଦାର । ଆଉ ଯନ୍ତ୍ରଣା ଭୋଗୁଛନ୍ତି ବିଚରା ପବିତ୍ର ଓ ତାଙ୍କ ପରିବାର।
