ପରଲୋକରେ ଓଡ଼ିଆ ଯୁବ ସାମ୍ବାଦିକ ସତ୍ୟଜିତ
ଭୁବନେଶ୍ୱର(ବଡ଼ ଖବର ବ୍ୟୁରୋ): କରୋନା ନେଲା ଆଉ ଜଣେ ସାମ୍ବାଦିକଙ୍କ ଜୀବନ । ପରଲୋକରେ ଯୁବ ସାମ୍ବାଦିକ ସତ୍ୟଜିତ ମହାପାତ୍ର । ସେ ଦୈନିକ ଖବରକାଗଜ THE COMMON TIMES ସମ୍ପାଦକ ଥିଲେ । କିଛି ଦିନ ତଳେ ସେ କରୋନାରେ ଆକ୍ରାନ୍ତ ଥିଲେ । ଏକ ଘରୋଇ ହସପିଟାଲରେ ଚିକିତ୍ସିତ ହେଉଥିବା ବେଳେ ତାଙ୍କର ଆଜି ମୃତ୍ୟୁ ହୋଇଥିବା ନେଇ ସୂଚନା ମିଳିଛି । ମାତ୍ର ୪୪ ବର୍ଷ ବୟସରେ ସେ ଆଖି ବୁଝି ଦେଇଛନ୍ତି । ମୟରଭଞ୍ଜ ଜିଲ୍ଲା ବରିପଦାରେ ଜନ୍ମଗ୍ରହଣ କରିଥିବା ସତ୍ୟଜିତ ଉତ୍କଳ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଶିକ୍ଷା ପରେ ସାମ୍ବାଦିକତାକୁ ପେସା ବୋଲି ବାଝି ନେଇଥିଲେ । ଭୁବନେଶ୍ୱରରେ ପ୍ରକାଶିତ THE COMMON TIMES ଇଂରାଜୀ ଖବରକାଗଜରେ ସମ୍ପାଦକ ଭାବରେ କାର୍ଯ୍ୟକରୁଥିଲେ ।
ଏହା ପୂର୍ବରୁ ସେ 92.7 ବିଗ ଏଫଏମ ଓ ତରଙ୍ଗ ଟିଭିର ପ୍ରୋଗ୍ରାମିଂର ମୁଖ୍ୟ ଭାବେ କାର୍ଯ୍ୟ କରୁଥିଲେ । ତରଙ୍ଗ ଟିଭିର ଅନେକ ପ୍ରୋଗ୍ରାମରେ ସୂତ୍ରଧାର ଥିଲେ ସତ୍ୟଜିତ । ଏହା ପୂର୍ବରୁ ଓଟିଭିରେ ପ୍ରୋଗ୍ରାମ ପ୍ରଡ୍ୟୁସର ଭାବେ କାମ କରୁଥିଲେ । ଓ ଟିଭିରେ ପ୍ରସାରିତ ହେଉଥିବା ‘ଦ ଗ୍ରେଟ ଓଡ଼ିଶା ପଲିଟିକାଲ ସର୍କସର’ ପ୍ରଡ୍ୟସର ଭାବେ ତାଙ୍କୁ ଅନେକ ସୁଖ୍ୟତି ମିଳିଥିଲା । ଗତ କିଛି ମାସ ତଳେ ସତ୍ୟଜିତ ଓ ତାଙ୍କ ପତ୍ନୀ ଭୁବନେଶ୍ୱରରେ କରୋନା ଟିକାର ଦୁଇଟି ଯାକ ଡୋଜ ନେଇଥିଲେ । ତେବେ ଉଭୟ ମାସେ ତଳେ କରୋନା ସଂକ୍ରମିତ ହୋଇ ମେଡିକାଲରେ ଭର୍ତ୍ତି ହୋଇଥିଲେ । ସତ୍ୟଜିତଙ୍କ ସ୍ତ୍ରୀ କରୋନାରୁ ସୁସ୍ଥ ହୋଇ ଘରକୁ ଫେରିଥିଲେ । କିନ୍ତୁ ସତ୍ୟଜିତଙ୍କ ସ୍ୱାସ୍ଥ୍ୟରେ କୌଣସି ସୁଧାର ଅସୁନଥିଲା । ସତ୍ୟଜିତଙ୍କ ଫୁସଫୁସ ଅଧିକ ଆକ୍ରାନ୍ତ ହୋଇଥିବାରୁ ତାଙ୍କ ସ୍ୱାସ୍ଥ୍ୟରେ ସୁଧାର ଆସୁନଥିଲା । ତେବେ ଆଜି ତାଙ୍କ ମୃତ୍ୟୁ ହୋଇଥିବା ନେଇ ସୂଚନା ମିଳିଛି ।
