ମହାନଦୀ ଜଳ ବିବାଦ, ଆଜିଠୁ ଟ୍ରିବ୍ୟୁନାଲର ଛତିଶଗଡ଼ ଗସ୍ତ

ଭୁବନେଶ୍ୱର(ବଡ଼ ଖବର ବ୍ୟୁରୋ): ମହାନଦୀ ଜଳ ବିବାଦ ମାମଲା । ଆଜି କ୍ଷେତ୍ର ପରିଦର୍ଶନ କରିବେ ମହାନଦୀ ଟ୍ରିବ୍ୟୁନାଲ ଟିମ । ଏଥିରେ ସାମିଲ ହେବେ ଓଡ଼ିଶାର ୨୦ ଜଣିଆ ଟିମ୍ । ପ୍ରଥମ ପର୍ଯ୍ୟାୟରେ ଏହି ଟିମ୍ ଛତିଶଗଡ଼ ଗସ୍ତ କରିବ । ପ୍ରଥମ ପର୍ଯ୍ୟାୟରେ ୨୨ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ସର୍ଭେ ମହାନଦୀର ଉତ୍ପତି ସ୍ଥଳ ମହାରାଷ୍ଟ୍ର ସୀମାନ୍ତରୁ ଆରମ୍ଭ ହେବ ।

କ୍ଷେତ୍ର ପରିଦର୍ଶନରେ ଆସୁଥିବା ଟ୍ରିବ୍ୟୁନାଲ ଟିମ୍ ମହାନଦୀର ଉତ୍ପତିସ୍ଥଳ ସିହାୱା ଗସ୍ତ କରିବାର କାର୍ଯ୍ୟକ୍ରମ ରହିଛି । ସେଠାରୁ ଅନୁଧ୍ୟାନ କରିବାସହ ଉଭୟ ମହାନଦୀ ଓ ଏହାର ବେସିନର ନିରୀକ୍ଷଣ କରିବେ । ଦ୍ୱିତୀୟ ପର୍ଯ୍ୟାୟରେ ଏହି ଟିମ୍ କଲାମା ପର୍ଯ୍ୟନ୍ତ ଅନୁଧ୍ୟାନ କରିବେ ।