‘ପୁରୀ ରଥଯାତ୍ରା ଅତୁଳନୀୟ’
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପୁରୀରେ ବିଶ୍ୱ ପ୍ରସିଦ୍ଧ ରଥ ଯାତ୍ରା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁଭେଛା ଜଣାଇଛନ୍ତି । ଟୁଇଟରେ ସେ କହିଛନ୍ତି ଭଗବାନ ଜଗନ୍ନାଥଙ୍କ ଏହି ଅଲୋକିକ ଯାତ୍ରା ସମସ୍ତଙ୍କ ଜୀବନରେ ସୁଖ, ଶାନ୍ତି ଭରିଦେଉ । ପ୍ରଧାନମନ୍ତ୍ରୀ ତାଙ୍କ ଟୁଇଟ୍ ସହିତ ଏକ ଭିଡ଼ିଓ କ୍ଲିପ୍ ସଲଗ୍ନ କରି ନିଜେ ରଥଯାତ୍ରାରେ ଭାଗ ନେଉଥିବା ଦର୍ଶାଇଛନ୍ତି । ରଥଯାତ୍ରା ପୁରୀ ସମେତ ଦେଶର ଅନେକ ରାଜ୍ୟରେ ପାଳନ କରାଯାଏ ।
Rath Yatra greetings to everyone. As we celebrate this sacred occasion, may the divine journey of Lord Jagannath fill our lives with health, happiness and spiritual enrichment. pic.twitter.com/ATvXmW3Yr0
— Narendra Modi (@narendramodi) June 20, 2023
ତେବେ ପୁରୀ ରଥଯାତ୍ରା ଅତୁଳନୀୟ ବୋଲି ସେ କହିଛନ୍ତି । ଏଥିସହିତ ମୋଦି ଗୁଜରାଟରେ ଥିବା ବେଳେ ଅହମ୍ମଦାବାଦ ରଥଯାତ୍ରାରେ ଅଶଗ୍ରହଣ କରୁଥିବା ସମୟର ତାଙ୍କ ଅନୁଭୁତି ବର୍ଣ୍ଣନା କରିଥିଲେ । ସେ କହିଛନ୍ତି ଗୁଜରାଟରେ ଥିବାବେଳେ ଅହମ୍ମଦାବାଦ ରଥଯାତ୍ରାରେ ଭାଗ ନେଇଥିଲି । ପ୍ରତ୍ୟେକ ସମ୍ପ୍ରଦାୟର ଲୋକମାନେ ଗୋଟିଏ ଜାଗାରେ ଏକାଠି ହୋଇ ରଥଯାତ୍ରା ପାଳନ କରିବାା ଆଶ୍ଛର୍ଯ୍ୟଜନକ । ଏହା ଦେଶର ଏକତାକୁ ଦୃଢ଼ିଭୂତ କରିଥାଏ ।
ପୂର୍ବରୁ ରବିିବାର ପ୍ରସାରିତ ହୋଇଥିବା୧୦୨ ତମ ‘ମନ୍କି ବାତ’ ରେ ପ୍ରଧାନମନ୍ତ୍ରୀ ରଥଯାତ୍ରା କିପରି ପାଳନ କରନ୍ତି ବର୍ଣ୍ଣନା କରିଛନ୍ତି । ଗୁଜରାଟର ଅହମ୍ମଦାବାଦାରେ ପାଳନ କରାଯାଉଥିବା ରଥଯାତ୍ରା ପୁରୀ ରଥଯାତ୍ରା ପରେ ଦେଶର ଦ୍ୱିତୀୟ ବୃହତମ ବୋଲି ବିବେଚନା କରାଯାଏ ।
