ମାହାଙ୍ଗା (ବଡ଼ ଖବର ବ୍ୟୁରୋ): ଆରଡ଼ି ରାସ୍ତା ନିର୍ମାଣରେ ବଡ଼ ଘୋଟାଲା । ପଦାରେ ପଡିଲା ଯନ୍ତ୍ରୀ-ଠିକାଦାରଙ୍କ ମଧୁଚନ୍ଦ୍ରିକା । ମାହାଙ୍ଗା ନିର୍ବାଚନ ମଣ୍ଡଳୀରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ଅତ୍ୟନ୍ତ ନିମ୍ନ ମାନର କାର୍ଯ୍ୟକୁ ନେଇ ବଢୁଛି ଜନ ଅସନ୍ତୋଷ । ଦୁର୍ନୀତିର ଚରମ ସୀମାରେ ପହଞ୍ଚିଲାଣି କଟକ ଜିଲ୍ଲା ନିଶ୍ଚିନ୍ତକୋଇଲି ଗ୍ରାମ୍ୟ ଉନ୍ନୟନ ବିଭାଗ । ଗୋତରା ଠାରୁ ଖନ୍ଦୋଳ ପର୍ଯ୍ୟନ୍ତ ରାସ୍ତା ନିର୍ମାଣ ଚାଲିଥିବା ବେଳେ, ତଦାରଖ ପାଇଁ ଘଟଣାସ୍ଥଳରେ ନାହାନ୍ତି ବିଭାଗୀୟ ଅଧିକାରୀ ।
ମାଟି ଉପରେ ଚାଲିଛି ପିଚୁ ରାସ୍ତା ନିର୍ମାଣ । ବିନା ସୂଚନା ଫଳକରେ ଚାଲିଛି ନିଶ୍ଚିନ୍ତକୋଇଲି ଗ୍ରାମ୍ୟ ଉନ୍ନୟନ ବିଭାଗ ଗୋତରା ଉମର ରାସ୍ତା କାମ। ହାତ ମାରୁ ମାରୁ ଉଠିଯାଉଛି ପିଚୁ। ନିମ୍ନ ମାନର କାର୍ଯ୍ୟକୁ ପ୍ରୋତ୍ସାହିତ ବଦଳରେ ପିସି ନେଇ ମାଲେମାଲ ହେଉଛନ୍ତି ଯନ୍ତ୍ରୀ ଏବଂ ସ୍ଥାନୀୟ ଜନ ପ୍ରତିନିଧି । ଏନେଇ ଗ୍ରାମ୍ୟ ଉନ୍ନୟନ ବିଭାଗର ସଚିବ ଓ ଭିଜିଲାନ୍ସ ବିଭାଗକୁ ନିର୍ମାଣ କାର୍ଯ୍ୟର ତଦନ୍ତ ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।
