ମାହାଙ୍ଗା (ବଡ଼ ଖବର ବ୍ୟୁରୋ): ମାହାଙ୍ଗାରେ ଭୋଟ ପ୍ରଚାର କରି ଫେରିବାର ୬ ଘଣ୍ଟା ବିତିଛି କି ନାହିଁ ବିଜେଡିରୁ ଇସ୍ତଫାର ସୁଅ ଛୁଟିବା ଦେଖିବାକୁ ମିଳିଛି । ଲଳିତଗିରି ପଞ୍ଚାୟତର ସମିତିସଭ୍ୟ ଧ୍ରୁବ ଚରଣ ସାମଲ ଏବଂ ଯୁବ ନେତା ସନ୍ଦୀପ ସିଂଙ୍କ ନେତୃତ୍ୱରେ ୨୫ରୁ ବିଜେଡିର ଛାମୁଆଁ ସଂଗଠକ ଏବଂ ସେମାନଙ୍କ ସହିତ ଶହଶହ ଅନୁଗତ ଦଳ ତ୍ୟାଗକରି ସ୍ୱାଧୀନ ପ୍ରାର୍ଥୀ ସାରଦା ପ୍ରଧାନଙ୍କ ସହିତ ସାମିଲ ହେବା ଦେଖିବାକୁ ମିଳିଛି ।
ବିଧାୟକ ପ୍ରତାପ ଜେନାଙ୍କୁ ତୀବ୍ର ବିରୋଧ କରିବା ସହିତ ତାଙ୍କ ପୁଅ ବିଜେଡିର ବିଧାୟକ ପ୍ରାର୍ଥୀ ଅଙ୍କିତ ପ୍ରତାପ ଜେନାଙ୍କୁ ଉଚିତ ଜବାବ ଦେବାକୁ ସନ୍ଦୀପ ଆହ୍ୱାନ ଦେଇଛନ୍ତି । ଲଳିତଗିରିର ସମିତି ସଭ୍ୟ ଓ ତାଙ୍କ ଅନୁଗତମାନେ ସ୍ୱାଧୀନ ପ୍ରାର୍ଥୀଙ୍କୁ ସମର୍ଥନ ଘୋଷଣା କରିବା ଦେଖିବାକୁ ମିଳିଥିଲା । ଲୋକେ ଶାସକ ଦଳ ଉପରେ ଭରସା ନକରିବାରୁ ବିଜେଡି ବହୁ ଭୋଟ ହରାଇବାକୁ ଯାଉଛି ବୋଲି ଚର୍ଚ୍ଚା ହେଉଛି ।
