ମହିମା ଫାଉଣ୍ଡେସନର ଚତୁର୍ଥ ସ୍ୱନକ୍ଷତ୍ର
ଭୁବନେଶ୍ଵର (ବଡ଼ ଖବର ବ୍ୟୁରୋ): ସାମାଜିକ ଅନୁଷ୍ଠାନ ମହିମା ସେବା ଫାଉଣ୍ଡେସନର ଚତୁର୍ଥ ସ୍ୱନକ୍ଷତ୍ର ଉତ୍ସବ ପାଳିତ ହୋଇଯାଇଛି । ଏହି ଉତ୍ସବରେ ମହିମା ସାଧୁମାନେ ପ୍ରଦୀପ ପ୍ରଜ୍ଜ୍ଵଳନ କରି ଆନୁଷ୍ଠାନିକ ଭାବେ ଉଦ୍ଘାଟନ କରି କରିଥିଲେ । ମହିମା ସେବା ଫାଉଣ୍ଡେସନର ପରିଚାଳନା ନିର୍ଦ୍ଦେଶକ ସମାଜସେବୀ ନାରାୟଣ ଖୁଣ୍ଟିଆଙ୍କ ସଭାପିତିତ୍ୱରେ ଓ ସାମ୍ବାଦିକ ଅରବିନ୍ଦ ତ୍ରିପାଠ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବରିଷ୍ଠ ସମାଜସେବୀ ପଦ୍ମଚଣ ବେହେରା, ସମ୍ମାନିତ ଅତିଥୀ ଭାବେ ସମାଜସେବୀକା ରଞ୍ଜୁରାଣୀ ନନ୍ଦ, ମହିମା ସାଧୁ ମଧୁସୂଦନ ଦାସ ଯୋଗ ଦେଇଥିଲେ ।
ଏହା ସହିତ ଅସହାୟ ବ୍ୟକ୍ତିବିଶେଷଙ୍କୁ ଶୀତବସ୍ତ୍ର ବଣ୍ଟନ କରିବା ସହିତ ମାନବ ସେବା ହିଁ ମାଧବଙ୍କ ସେବା ସହିତ ସମାନ ବୋଲି ମତବ୍ୟକ୍ତ କରିଥିଲେ । ଏହି ଅବସରରେ ରାଉରକେଲା ହସ୍ପିଟାଲରେ କାର୍ଯ୍ୟରତ ମାନବ ସମ୍ବଳ ବିକାଶ ମୁଖ୍ୟ ତଥା ସମାଜସେବୀକା ରଞ୍ଜରାଣୀ ନନ୍ଦଙ୍କୁ ମହିମା ସେବା ଫାଉଣ୍ଡେସନ ପକ୍ଷରୁ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମକୁ ଡ. ନରୋତ୍ତମ ଦାସ ସହଯୋଗର ହାତ ବଢାଇଥିବା ବେଳେ ଗାୟତ୍ରୀ ସାମନ୍ତରାୟ, ରୀନା ମହାନ୍ତି, ରମେଶ ଚନ୍ଦ୍ର ସାମନ୍ତରାୟ ପ୍ରମୁଖ ପରିଚାଳନା କରିଥିଲେ ।