ସେନା ଟ୍ରକରେ ଲାଗିଲା ନିଆଁ

ଜାମ୍ମୁକାଶ୍ମୀର  (ବଡ଼ ଖବର ବ୍ୟୁରୋ): ଜାମ୍ମୁକାଶ୍ମୀରର ପୁଞ୍ଝରେ ଅଘଟଣ । ସେନା ଟ୍ରକରେ ଲାଗିଛି ନିଆଁ । ଗୁରୁବାର ଘଟିଛି ଘଟଣା । ଟ୍ରକରେ କିଛି ଯବାନ ଫସି ରହିଥିବା ଅନୁମାନ କରାଯାଉଛି ।  ଏପର୍ଯ୍ୟନ୍ତ ସେନା ଅଧିକାରୀଙ୍କ ପାଖରୁ କୌଣସି ସୂଚନା ମିଳିନାହିଁ । ପୁଞ୍ଛ-ଜମ୍ମୁ ନେସନାଲ ହାଇଓ୍ବେରେ ସେନା ଗାଡ଼ି ଉପରେ ଭୟଙ୍କର ନିଆଁ ଲାଗିଛି। ଏହି ଦୁର୍ଘଟଣାରେ ୪ଜଣ ଯବାନ ଶହୀଦ ହୋଇଛନ୍ତି।

ମୃତ୍ୟୁ ସଂଖ୍ୟା ଆହୁରି ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି। ଏହି ଦୁର୍ଘଟଣା ଭାଟାଦୁଡ଼ିଆ ଅଞ୍ଚଳରେ ଘଟିଥିବା ଜଣାପଡ଼ିଛି।  ସେନାର ବରିଷ୍ଠ ଅଧିକାରୀ ଏବଂ ପୋଲିସ ଘଟଣାସ୍ଥଳରେ ପହଞ୍ଚିଛନ୍ତି। ଉକ୍ତ ଘଟଣାର ଯାଞ୍ଚ କରାଯାଉଥିବା ବେଳେ ଏହି ନିଆଁ କିଭଳି ଲାଗିଲା ସେ ନେଇ କିଛି ସ୍ପଷ୍ଟ ହୋଇନାହିଁ। ଅନ୍ୟପଟେ ଆହତ ଯବାନଙ୍କୁ ଉଦ୍ଧାର କରାଯାଇ ହସ୍ପିଟାଲକୁ ପଠାଯାଇଛି।