ନୂଆପଡ଼ା (ବଡ଼ ଖବର ବ୍ୟୁରୋ): ଓଡିଶା ଛତିଶଗଡ଼ ସୀମା ପାଟଧରା ରିଜର୍ଭ ଫରେଷ୍ଟ ରେ ନୂଆପଡ଼ା ପୋଲିସ କୁ ମିଳିଛି ବଡ଼ ସଫଳତା । ଗୁଇନ୍ଦା ସୂତ୍ରରୁ ଖବର ମିଳିବା ପରେ ମିଳିତ ଭାବରେ ଏସଓଜି , ଡିଭିଏଫ, କୋବ୍ରା ଓ ସିଆରପିଏଫ ଦ୍ୱାରା ମିଳିତ କମ୍ବିଂ କରାଯାଇଥିଲା। ୧୭ ତାରିଖ ଦିନ ସିନାପାଲି ଥାନା ଝୋଲାପଡ଼ା ନିକଟ ଜଙ୍ଗଲର ମାଓବାଦୀ କ୍ୟାମ୍ପ ରୁ ଏହି ମାଓ ସାମଗ୍ରୀ ଜବତ ହୋଇଥିବା ନେଇ ଆଜି ସାମ୍ବାଦିକ ସମ୍ମିଳନୀରେ ନୂଆପଡ଼ା ଏସପି ଓ ସିଆରପିଏଫ କମଣ୍ଡାଣ୍ଟ ପ୍ରକାଶ କରିଛନ୍ତି। ୨୮ ଟି ଡେଟୋନେଟର, ୧ କେଜି ବିସ୍ପୋରକ ସାମଗ୍ରୀ, ରେଡ଼ିଓ, ମାଓ ୟୁନିଫର୍ମ, ଛୁରୀ, ମେଡ଼ିସିନ, ମାଓ ପତ୍ରିକା ଓ ନିତ୍ୟାବଶ୍ୟକ ଜିନିଷ ଜବତ ହୋଇଛି । ବର୍ତ୍ତମାନ ନୂଆପଡ଼ା ପୋଲିସ ଦ୍ୱାରା କମ୍ବିଂ ଜାରି ଥିବାବେଳେ ବେଳେ ମାଓ ଗତିବିଧି ଉପରେ ନଜର ରଖାଯାଇଛି।
