ମାନବିକତା ଦେଖାଇଲା ମାତୃ ଭୂମି ସଂଗଠନ

ରେଙ୍ଗାଲି (ବଡ଼ ଖବର ବ୍ୟୁରୋ): ଅଲଗା ଜାତିରେ ବିବାହ କରିଥିବାରୁ ସାଇ ପଡ଼ିଶା କିମ୍ବା ଆତ୍ମୀୟ ସ୍ୱଜନ କେହି ବି ଶବକୁ ଛୁଇଁଲେ ନାହିଁ । ଦୀର୍ଘ ସମୟ ପଡ଼ିରହିଲା ଶବ ।

ମଙ୍ଗଳବାର ରେଙ୍ଗାଲି ବ୍ଳକ ବାବୁଖିଣ୍ତା ଗ୍ରାମର ସୁଶିଲ ବାଗ (୪୨)ଙ୍କ ମୃତ୍ୟୁ ହୋଇଥିଲା । ଅଜଣା ରୋଗରେ ଆକ୍ରାନ୍ତ ହୋଇ ଆକସ୍ମିକ ଭାବେ ମୃତ୍ୟୁ ବରଣ କରିଥିଲେ ସୁଶିଲ । ଜାତିରୁ ତାଙ୍କୁ ବାରଣ କରିଥିବାରୁ ଦୀର୍ଘ ୬ ଘଣ୍ଟା ମୃତଦେହ ପଡି ରହିଥିଲା ।

ଏ ଖବର ପାଇଥିଲା ମାତୃଭୁମି ସଂଗଠନ । ଉପସଭାପତି ଉମାକାନ୍ତ ନାଥଙ୍କ ସହ ମାତୃଭୂମି ସଂଗଠନର ଅନ୍ୟ ସଦସ୍ୟମାନେ ଶବକୁ କାନ୍ଧରେ ବୋହି ସ୍ମଶାନକୁ ନେଇ ସଂସ୍କାର କରିଥିଲେ । ସଂଗଠନର ଏହି ମହତ କାର୍ୟ୍ୟକୁ ସାଧାରଣରେ ପ୍ରଶଂସା କରାଯାଇଛି ।