ମୟୂରଭଞ୍ଜ(ବଡ଼ ଖବର ବ୍ୟୁରୋ): ମକରରେ ଗଣ ଦୁଷ୍କର୍ମ । ଗଣପର୍ବ ମକର ପାଇଁ ମୟୂରଭଞ୍ଜ ଚଳଚଞ୍ଚଳ ହୋଇ ଉଠିଥିବାବେଳେ ଆଜି ସକାଳୁ ମକର ବୁଡ ପକାଇବାକୁ ଯାଇ ଗଣଦୁଷ୍କର୍ମର ଶିକାର ହୋଇଛନ୍ତି ଯୁବତୀ । ଏଭଳି ଅଘଟଣ ଘଟିଛି ମୟୂରଭଞ୍ଜ ଜିଲ୍ଲାରେ ।
ସୂଚନାଯୋଗ୍ୟ, ମୟୂରଭଞ୍ଜର ଜଣେ ଯୁବତୀ ଆଜି ନିକଟସ୍ଥ ନଦୀକୁ ମକର ବୁଡ ପକାଇବାକୁ ଯାଇଥିବା ବେଳେ ସେହି ଗାଁର ଦୁଇଜଣ ଯୁବକ ତାଙ୍କୁ ପିଛା କରି ନଦୀପଠାକୁ ମଧ୍ୟ ଯାଇଥିଲେ । ଯୁବତୀକୁ ଏକୁଟିଆପାଇ ଉଭୟ ଦୁଷ୍କର୍ମ କରିଥିଲେ । ଘରକୁ ଫେରି ଯୁବତୀଜଣକ ଏବାବଦରେ ପରିବାର ଲୋକଙ୍କୁ କହିବା ପରେ ପରିବାର ଲୋକେ ଏନେଇ ଥାନାରେ ଅଭିଯୋଗ କରିଥିଲେ। ଅଭିଯୋଗମୂଳେ ପୁଲିସ୍ ୨ ଅଭିଯୁକ୍ତଙ୍କୁ ଗିରଫ କରିବା ସହ ତଦନ୍ତ ଜାରି ରଖିଛି ।
