ଫେଲ ମାରିଛି ରାଜ୍ୟ ସରକାରଙ୍କ ବସୁଧା ଯୋଜନା

ନୟାଗଡ଼ (ବଡ଼ ଖବର ବ୍ୟୁରୋ): ଦୀର୍ଘ ଦିନ ହେବ ଜଳ ଯନ୍ତ୍ରଣାରେ ଛଟପଟ ଅଂଚଳବାସୀ । ପାଇପ ଯୋଗେ ଗ୍ରାମାଞ୍ଚଳର ପ୍ରତେକ ଘରକୁ ବିଶୁଦ୍ଧ ପାନୀୟ ଜଳ ଯୋଗାଇଦେବା ପାଇଁ ରାଜ୍ୟ ସରକାର ଆରମ୍ଭ କରିଥିଲେ ବସୁଧା ଯୋଜନା । ପାଇପି ଅଛି ହେଲେ ଆସୁନି ପାଣି । ଗୋଟିଏ ନଳକୂପ ଉପରେ ନିର୍ଭର କରୁଛନ୍ତି ୪୦ରୁ ଉର୍ଦ୍ଧ ପରିବାର । ଦେଖୁନାହାନ୍ତି କିଭଳି ନଳକୂପ ଆଗରେ ଥୁଆ ହୋଇଛି ମାଳ ମାଳ ଗରା ବାଲଟି । ରାତି ପାଇଲେ ପାଣି ପାଇଁ ଲାଗୁଛି ଏମିତି ଲାଇନ ।

ଏହା କୌଣସି ଉପାନ୍ତ ଅଂଚଳର ଦୃଶ୍ୟ ନୁହେଁ । ନୟାଗଡ଼ ଜିଲ୍ଲା ରଣପୁର ବ୍ଲକ କୁଳାସର ଗ୍ରାମ ଦୃଶ୍ୟ । ପ୍ରତେକ ଘରକୁ ବିଶୁଦ୍ଧ ପାନୀୟ ଜଳ ଯୋଗାଇବା ଲକ୍ଷ୍ୟରେ ଲକ୍ଷ ଲକ୍ଷ ଟଙ୍କା ବ୍ୟୟ ବରାଦରେ ବସୁଧା ଯୋଜନା ଦ୍ଵାରା । ସେପଟେ ଗ୍ରାମରେ ଦୁଇଟି ନଳକୂଅ ଥିବାବେଳେ ଗୋଟିଏ ନଳକୂଅ ରୁ ଦୂଷିତ ପାଣି ବାହାରୁଥିବାବେଳେ ବ୍ୟବହାର ଉପଯୋଗୀ ହେଉନଥିବାରୁ ଗୋଟିଏ ନଳକୂପ ଉପରେ ନିର୍ଭର କରନ୍ତି ଗ୍ରାମର ୪୦ରୁ ଉର୍ଦ୍ଧ ପରିବାର । ଦୀର୍ଘ ବର୍ଷ ପରେ ବି ବିଶୁଦ୍ଧ ପାନୀୟ ଜଳରୁ ବଞ୍ଚିତ ଏଠାକାର ଗ୍ରାମବାସୀବାସୀ ।

ଏମିତି ବି ବେଳେ ବେଳେ ଆବଶ୍ୟକୀୟ ମୁତାବକ ପାଣି ବାହାରୁ ନଥିବାରୁ ଦୂଷିତ ପାନୀୟ ଜଳରେ ଶୋଷ ମେଣ୍ଟନ୍ତି ଏଠାକାର ଲୋକେ । ପ୍ରତିଦିନ ପାଣି ପାଇଁ ଏଠି ଚାଲେ ସଂଘର୍ଷ । ଇଏ ଆଜି କିମ୍ବା କାଲିର ଘଟଣା ନୁହେଁ ବର୍ଷ ବର୍ଷ ଧରି ଏଭଳି ଜଳ ଯନ୍ତ୍ରଣାରେ ଛଟପଟ ଗ୍ରାମବାସୀ ବିଶୁଦ୍ଧ ପାନୀୟ ଜଳ ପାଇଁ ଗ୍ରାମବାସୀ ମାନେ ପଂଚାୟତ କାର୍ଯ୍ୟାଳୟ ଠାରୁ ଆରମ୍ଭ କରି ବ୍ଲକ କାର୍ଯ୍ୟାଳୟ ପର୍ଯ୍ୟନ୍ତ ସମସ୍ତଙ୍କୁ ଗୁହାରି କରିଥିଲେ ମଧ୍ୟ୍ୟ ଏପର୍ଯ୍ୟନ୍ତ ହୋଇନି ସମସ୍ୟାର ସମାଧାନ ହେଉ ନାହିଁ । ବସୁଧା ଯୋଜନା କାହାପାଇଁ ବୋଲି ପ୍ରଶ୍ନ କରିଛନ୍ତି ଲୋକେ ।