ଆଜି ମନ କି ବାତ କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧନ କରିବେ ମୋଦି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜି ପ୍ରଧାନମନ୍ତ୍ରୀଙ୍କ ମନ କି ବାତ କାର୍ୟ୍ୟକ୍ରମ । ପୂର୍ବାହ୍ନ ୧୧ଟା ସମୟରେ ଦେଶବାସୀଙ୍କୁ ସମ୍ବୋଧିତ କରିବେ ମୋଦି । ଆଜି ମନ କି ବାତ କାର୍ଯ୍ୟକ୍ରମର ୭୭ତମ ସଂସ୍କରଣ । କାର୍ୟ୍ୟକ୍ରମରେ ଆତ୍ମନିର୍ଭର ଭାରତ ସହିତ ଜଡିତ କିଛି କାହାଣୀ ବିଷୟରେ ଉଲ୍ଲେଖ୍ୟ କରିବେ ପ୍ରଧାନମନ୍ତ୍ରୀ । ଏହା ସହିତ କୋରୋନା ସଂଙ୍କଟ ଓ ଟୀକାକରଣକୁ ନେଇ ମଧ୍ୟ ଆଲୋଚନା କରିପାରନ୍ତି ପ୍ରଧାନମନ୍ତ୍ରୀ । ଏହା ପୂର୍ବରୁ ଏପ୍ରିଲ ୨୫ରେ ହୋଇଥିଲା ମନ କି ବାତ କାର୍ଯ୍ୟକ୍ରମ । ସେଥିରେ ମହାରାଷ୍ଟ୍ରର କୋଭି଼ଡ ୧୯ ଟାସ୍କ ଫୋର୍ସର ସଦସ୍ୟ ଡାକ୍ତର ଶଶାଙ୍କ ଜୋଶୀଙ୍କ ସହିତ କଥା ହୋଇଥିଲେ ।
ଡାକ୍ତର ଜୋଶୀଙ୍କୁ ୨୦୧୪ରେ ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା । ମନ କି ବାତ କାର୍ୟ୍ୟକ୍ରମର ୭୬ତମ ସଂସ୍କରଣରେ ଡାକ୍ତର ଜୋଶୀଙ୍କ ସହିତ କୋରୋନା ଭାଇରସର ପରିବର୍ତ୍ତନ ଉପରେ ଆଲୋଚନା କରିଥିଲେ ମୋଦି। ତେବେ ପ୍ରତି ମାସ ଶେଷ ରବିବାର ଏହି ମନ କି ବାତ କାର୍ୟ୍ୟକ୍ରମ ପ୍ରସାରିତ ହୋଇଥାଏ । ରେଡିଓ ମାଧ୍ୟମରେ ଦେଶବାସୀଙ୍କୁ ମନର କଥା କୁହନ୍ତି ପ୍ରଧାନମନ୍ତ୍ରୀ ।