ଖାଇଗଲେ ଲୋକଙ୍କ ଜମା ଟଙ୍କା
ରାୟଗଡ଼ା(ବଡ଼ ଖବର ବ୍ୟୁରୋ): ନକଲି ପାସବୁକ୍, ନକଲି ରସିଦ ଦେଇ ରାୟଗଡ଼ା ଜିଲା କୁମାରଢ଼ାମୁଣି ବ୍ରାଞ୍ଚ ପୋଷ୍ଟଅଫିସରେ ଲକ୍ଷ ଲକ୍ଷ ଟଙ୍କା ଆତ୍ମସାତ । ପ୍ରଚାରପତ୍ର ବାଣ୍ଟିଲା ଭଳି ଜମାକାରୀଙ୍କୁ ବ୍ରାଞ୍ଚ ପୋଷ୍ଟମାଷ୍ଟର ମୁକେଶ କୁମାର ଚୌଧୁରି ଧରାଇଦେଇଛନ୍ତି ପାସବୁକ । ମୋହର ମାରି ଲୋକଙ୍କୁ ଦେଇଛନ୍ତି ନକଲି ରସିଦ ଓ ନଥିପତ୍ର । ଲୋକେ ପୋଷ୍ଟାଲ ଅଧୀକ୍ଷକଙ୍କ ଦ୍ୱାରସ୍ଥ ହେବା ପରେ ବାବୁଙ୍କ କାରନାମ ପଦାରେ ପଡିଛି । ଫିକ୍ସଡ ଡିପୋଜିଟ, ସୁକକ୍ୟା ଭଳି ବିଭିନ୍ନ ଯୋଜାନାରେ ଲୋକଙ୍କ ଟଙ୍କାକୁ ଆତ୍ମସାତ କରିଛନ୍ତି କୁମାର ଢ଼ାମୁଣିର ବ୍ରାଞ୍ଚ ପୋଷ୍ଟମାଷ୍ଟର ମୁକେଶ କୁମାର ଚୌଧୁରୀ ।
କୁମାରଢ଼ାମୁଣି ନିଜ ଗାଁ ହୋଇଥିବାରୁ ହାକିମାତି ଦେଖାଇ ବର୍ଷ ବର୍ଷ ଧରି ଲୁଟିଚାଲିଛନ୍ତି ଲୋକଙ୍କ କଷ୍ଟାର୍ଜିତ ଟଙ୍କା । ନିଜ ଗ୍ରାମ ସହିତ ଆଖପାଖ ଅଞ୍ଚଳର ଲୋକଙ୍କୁ ଧୋକା ଦେଇ ପ୍ରାୟ ୫୦ଲକ୍ଷ ଟଙ୍କା ଲୁଟିନେଇଥିବା ଅଭିଯୋଗ ହୋଇଛି । ଏକା ରାମଚନ୍ଦ୍ର ନୁହନ୍ତି । ଗ୍ରାମର ପୂର୍ବତନ ପୋଷ୍ଟମାଷ୍ଟର ସ୍ୱର୍ଗତ ଦାମୋଦର ଲାବଲାଙ୍କ ଟଙ୍କା ମଧ୍ୟ ହଡପ କରିଥିବା ଅଭିଯୋଗ ହୋଇଛି । ଦାଲାକଦରଙ୍କ ମୃତ୍ୟୁପରେ ନକଲି ଦସ୍ତଖତ କରି ଜମା ଖାତାରୁ ୪୦ହଜାର ଟଙ୍କା ଉଠାଇ ନେଇଯାଇଥିବା ତାଙ୍କ ପୁଅ ହୃଷିକେଶ ଲାବଲା ରାୟଗଡ଼ା ମଣ୍ଡଳର ଡାକ ଅଧିକ୍ଷକଙ୍କୁ ଅଭିଯୋଗ କରିଛନ୍ତିି । କିଛି ଲୋକଙ୍କୁ ସମ୍ପୃକ୍ତ ପୋଷ୍ଟମାଷ୍ଟର ଟଙ୍କା ଫେରାଇଥିବା ବେଳେ ବହୁଲୋକ ଏବେବି ନିଜ ଜମାଟଙ୍କା ପାଇପାରିନାହାନ୍ତି । ଜମା ଟଙ୍କା ଫୋରିବାଇବାରେ ଡାକ ବିଭାଗର ବରିଷ୍ଠ ଅଧିକାରୀ ସହଯୋଗ କରିବେ ବୋଲି ଲୋକଙ୍କ ଆଶା ।