ଭୁବନେଶ୍ୱର (ବଡ଼ ଖବର ବ୍ୟୁରୋ): ଗାଁର ବିକାଶ ପାଇଁ ସରକାର କରିଛନ୍ତି ଅନେକ ଯୋଜନା । କିନ୍ତୁ ଜନତା ଏହାର କେତେ ସୁଫଳ ପାଉଛନ୍ତି ତାହା ଭୂବନେଶ୍ୱର ବ୍ଲକ ଦାଢା ପଞ୍ଚାୟତରେ ଜଳ ଜଳ ଦେଖାଯାଉଛି । ଦୀପତଳ ଅନ୍ଧାରରେ ଅଛନ୍ତିି ରାଜଧାନୀ ଉପକଣ୍ଠ ଦାଢା ପଞ୍ଚାୟତବାସୀ । ୧୫ଟି ୱାର୍ଡକୁ ନେଇ ଗଠିତ ଏହି ପଞ୍ଚାୟତର ଜନସଂଖ୍ୟା ୪ହଜାରରୁ ଅଧିକ । ବିକାଶଠାରୁ ବହୁ ଦୂରରେ ଦାଢା ଅଞ୍ଚଳବାସୀ । ଭତ୍ତା ଠାରୁ ଅରମ୍ଭ କରି ରାସନକାର୍ଡ ପର୍ଯ୍ୟନ୍ତ ସବୁଥିରେ ଅନିୟମିତତା ହୋଇଥିବା ଅଭଯୋଗ କରିଛନ୍ତି ପଞ୍ଚାୟତବାସୀ । ଏମିତିକି ପଞ୍ଚାୟତରେ ସ୍ଥାୟୀ ସରପଞ୍ଚ ନଥିବା ମଧ୍ୟ କହିଛନ୍ତି ଏମାନେ । ଏନେଇ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ଜନଶୁଣାଣି ବେଳେ ଲିଖିତ ଅଭିଯୋଗ କରିଛନ୍ତି ଦାଢା ପଞ୍ଚାୟତବାସୀ । ଏହି ଅବସରରେ ସାଂସଦ କହିଛନ୍ତି କି ନିର୍ବାଚନ ସମୟରେ ଦେଇଥିବା ପ୍ରତିଶ୍ରୁତି ତାଙ୍କର ମନେ ଅଛି , କୋଭିଡ଼ କଟକଣା ପରେ ଅଧୁରା କାମକୁ ତ୍ୱରାନ୍ୱିତ କରାଯିବା ସହ ଘର ଘର ବୁଲି ସମସ୍ୟାର ସମାଧାନ କରାଯିବ ବୋଲି ସେ କହିଛନ୍ତି
