ଚଣ୍ଡୀଗଡ଼ (ବଡ଼ ଖବର ବ୍ୟୁରୋ): ଶେଷରେ ଖାଲିସ୍ତାନର ସମର୍ଥକ ତଥା ‘ୱାରିସ ପଞ୍ଜାବ ଡେ’ର ମୁଖ୍ୟ ଅମୃତପାଲ ସିଂଙ୍କୁ ପୋଲିସ ଗିରଫ କରିଛି। ପଞ୍ଜାବ ପୋଲିସ ପଳାତକ ଅମୃତପାଲ ସିଂଙ୍କୁ ମୋଗାର ଗୁରୁଦ୍ୱାରାରୁ ଗିରଫ କରିଛି। ଅମୃତପାଲ ମାର୍ଚ୍ଚ ୧୮ ଠାରୁ ଫେରାର ଥିଲେ। ଆତ୍ମସମର୍ପଣ କରିବା ପରେ ଅମୃତପାଲଙ୍କୁ ମୋଗାର ଗୁରୁଦ୍ୱାରାରୁ ଗିରଫ କରାଯାଇଥିବା ସୂଚନା ମିଳିଛି ।
ପୁଅ ଗରିଫ ହେବା ପରେ ଅମୃତପାଲଙ୍କ ମା’ ବଲବିନ୍ଦର କୌର ପ୍ରତିକ୍ରିୟା ଦେଇ କହିଛନ୍ତି, ଆମେ ଜାଣିଲୁ ଯେ ସେ ଆତ୍ମସମର୍ପଣ କରିଛି। ମୁଁ ମୋ ପୁଅ ଉପରେ ଗର୍ବ କରୁଛି । କାରଣ ମୋ ପୁଅ ହେଉଛି ଏକ ସିଂହ। ଆଉ ସେ ଜଣେ ଯୋଦ୍ଧା ଭାବେ ସରେଣ୍ଡର କରିଛନ୍ତି । ଆମେ ଏଥର ଆଇନର ଲଢେଇ ଲଢିବୁ ଓ ଅମୃତପାଲଙ୍କୁ ଖୁବଶୀଘ୍ର ଦେଖା କରିବୁ ବୋଲି ବଲବିନ୍ଦର କୌର କହିଛନ୍ତି।
