‘ବିଜେପି ଆଡ଼କୁ ଯାଉଛ କି?’

ଭୁବନେଶ୍ୱର (ବଡ଼ ଖବର ବୁ୍ୟରୋ): ଚମ୍ପୁଆ ବିଧାୟକଙ୍କ ଉପରେ ରାଗିଗଲେ ବିଜେଡି ସୁପ୍ରିମୋ । ବିଧାନସଭାକୁ ଏଣ୍ଟ୍ରି ମାରୁଥିବାବେଳେ ସନାଙ୍କୁ ଦେଖି ରାଗିଯାଇଥିଲେ ନବୀନ ପଟ୍ଟନାୟକ । ତେବେ କାହିଁକି ସନାଙ୍କ ଉପରେ ରାଗିଲେ ନବୀନ ? ଖାଲି ରାଗିଲେନି ବିଜେପି ଆଡକୁ ଢଳୁଛନ୍ତି ବୋଲି କହିଛନ୍ତି । ଗତକାଲି ବିଧାନସଭା ବଜେଟ୍ ଅଧିବେଶନ ପୂର୍ବରୁ ବସିଥିଲା ବିଜେଡିର ବିଧାୟକ ଦଳ ବୈଠକ ।

ବୈଠକରେ ଯୋଗ ଦେଇନଥିଲେ ଚମ୍ପୁଆର ବିଜେଡି ବିଧାୟକ ସନାତନ ମହାକୁଡ । ଯାହାକୁ ନେଇ ଆଜି ବିଧାନସଭା ଅଧିବେଶନ ଆରମ୍ଭ ହେବା ପୂର୍ବରୁ ସନାଙ୍କ ଉପରେ ବିରକ୍ତି ପ୍ରକାଶ କରିଛନ୍ତି ନବୀନ । ସନାତନ ମହାକୁଡ କାହିଁକି ବିଧାୟକ ଦଳ ବୈଠକକୁ ଆସିନଥିଲେ ବୋଲି ପ୍ରଶ୍ନ କରିଥିଲେ ନବୀନ । ଯାହାକୁ ନେଇ ଏବେ ଚର୍ଚ୍ଚା ଚାଲିଛି ।