ମାଲକାନଗିରି (ବଡ଼ ଖବର ବ୍ୟୁରୋ): ପୂର୍ବତନ ନକ୍ସଲ ସମର୍ଥକକୁ ଆନ୍ଧ୍ରପ୍ରଦେଶରୁ ଗିରଫ କଲା ମାଲକାନଗିରି ପୁଲିସ। କିଛି ବର୍ଷ ପୂର୍ବେ ଜାମିନରେ ଆସିଥିଲା ନକ୍ସଲ ସମର୍ଥକ ତପନ ସାହା। ୨୦୧୧ରେ ତତ୍କାଳୀନ ଜିଲ୍ଲାପାଳ ଭିନିଲ କ୍ରିଷ୍ଣାଙ୍କ ଅପହରଣ ମାମଲାରେ ଗିରଫ ହୋଇଥିଲା ତପନ ସାହା। ଜାମିନରେ ଆସିବା ପରେ ନକ୍ସଲ ତଥା ନକ୍ସଲ ସଂଗଠନକୁ ସହଯୋଗ କରିଆସୁଥିଲା ତପନ।
ସ୍ବାଭିମାନ ଅଞ୍ଚଳର ନୀରିହ ଲୋକଙ୍କୁ ବନ୍ଧୁକ ମୁନରେ ଭୟଭୀତ କରିବା ସହ ବଟି ମଧ୍ୟ ଆଦାୟ କରୁଥିଲା । ଅଭିଯୋଗ ହେବା ପରେ ନକ୍ସଲ ସମର୍ଥକ ତପନକୁ କାବୁ କରିବା ପାଇଁ ଏସପି ନିତେଶ ଓ୍ବାଧବାନୀଙ୍କ ନିର୍ଦ୍ଦେଶକ୍ରମେ ଚିତ୍ରକୋଣ୍ଡା ଏସଡିପିଓ ଆଲେକ୍ସିଅ କିସପୋଟାଙ୍କ ନେତୃତ୍ୱରେ ଏକ ଦଳ ଆନ୍ଧ୍ରପ୍ରଦେଶର ଗାଜିବନ୍ଧା ଗାଁରୁ ତପନକୁ କାବୁ କରିଛି ।
