ବିଜେପି ନେତାଙ୍କୁ ଗୁଳିକରି ହତ୍ୟା କଲେ ମାଓବାଦୀ

ଛତିଶଗଡ଼(ବଡ଼ ଖବର ବ୍ୟୁରୋ): ବିଜେପି ନେତାଙ୍କୁ ଗୁଳିକରି ହତ୍ୟା କଲେ ମାଓବାଦୀ । ଛତିଶଗଡ଼ ବିଜାପୁର ଜିଲ୍ଳା ଜଙ୍ଗଲା ଥାନା ଅଞ୍ଚଳରେ ମାଓ ବର୍ବରତା । ବିଜେପି ନେତା ତଥା ଠିକାଦାର କୈଳାଶ ନାଗଙ୍କୁ ଗୁଳିକରି ହତ୍ୟା । ତାଙ୍କ ଘର ବିଜାପୁରର କୋଟମେଟା ଗାଁରେ। ଗତକାଲି ନକ୍ସଲମାନେ ବିଜାପୁର କୋଟମେଟା ଗାଁରେ ପହଞ୍ଚି କୈଳାଶଙ୍କୁ ଉଠାଇ ନେଇଥିଲେ। ପରେ ସନ୍ଧ୍ୟାରେ ନକ୍ସଲମାନେ ତାଙ୍କୁ ଗୁଳିକରି ହତ୍ୟା କରିଥିଲେ। ଠିକା କାମରେ ନିୟୋଜିତ ଜେସିବି ମଧ୍ୟ ଜାଳିଦେଲେ ମାଓବାଦୀ । ଗତ ଏକବର୍ଷ ମଧ୍ୟରେ ୯ ଜଣଙ୍କୁ ହତ୍ୟା କଲେଣି ମାଓବାଦୀ । ପୋଲିସ ଏହି ଘଟଣାର ତଦନ୍ତ କରୁଛି। ନକ୍ସଲମାନେ କେଉଁ କାରଣ ପାଇଁ ବିଜେପି ନେତାଙ୍କୁ ହତ୍ୟା କଲେ ତାର କାରଣ ଜଣାପଡ଼ିନାହିଁ।