ଓଡ଼ିଶା ଆସିଲେ ନେଗେଟିଭ ରିପୋର୍ଟ ବାଧ୍ୟତାମୂଳକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶାରେ କରୋନାର ଦ୍ୱିତୀୟ ଲହରୀ ଭୟଙ୍କର ରୂପ ନେଉଛି । ଦିନକୁ ଦିନ ଓଡ଼ିଶାରେ ଭୟଙ୍କର ହେଉଛି କରୋନା ସ୍ଥିତି । ଆଜିଠୁ ରାଜ୍ୟରେ ରେଳଯାତ୍ରୀଙ୍କ ଉପରେ କଟକଣା ଲାଗୁ କରାଯାଇଛି । ଦେଶର ଯେକୌଣସି ସ୍ଥାନରୁ ଓଡ଼ିଶା ଆସିଲେ ଆରଟିପିସିଆର ନେଗେଟିଭ ରିପୋର୍ଟ ବାଧ୍ୟତାମୂଳକ କରାଯାଇଛି । ଏହାସହ ପ୍ରତିଦିନ ଆକ୍ରାନ୍ତ ସଂଖ୍ୟା ବଢିବଢି ଚାଲିଛି । ସ୍ଥିତିରେ ସୁଧାର ଆସୁନାହିଁ ।

ପରିସ୍ଥିତିକୁ ଦେଖି ରାଜ୍ୟସରକାର ଗ୍ରହଣ କରିଛନ୍ତି କଠୋର ଆଭିମୁଖ୍ୟ । ରାଜ୍ୟ ବାହାରୁ ଆସୁଥିବା ଲୋକଙ୍କ ଉପରେ ସରକାର ତିକ୍ଷ୍ନ ନଜର ରଖିଛନ୍ତି । ବାହାର ରାଜ୍ୟରୁ ଆସୁଥିବା ଲୋକମାନେ ନେଗେଟିଭ ରିପୋର୍ଟ ନଦେଖାଇଲେ କ୍ୱାରେଣ୍ଟାଇନରେ ରହିବା ପାଇଁ କୁହାଯାଇଛି । ରେଳ ବସ ଓ ବିମାନ ଯାତ୍ରୀଙ୍କ ପାଇଁ ରାଜ୍ୟ ସରକାର ସମାନ ନିୟମ ଲାଗୁ କରିଛନ୍ତି । ଦେଶର ଯେକୌଣସି ସ୍ଥାନରୁ ଓଡ଼ିଶା ଆସିଲେ ଆରଟିପିସିଆର ନେଗେଟିଭ ରିପୋର୍ଟ ବାଧ୍ୟତାମୂଳକ ଅଟେ ବୋଲି ରାଜ୍ୟସରକାର କହିଛନ୍ତି ।