୪ ରାଜ୍ୟରେ ନୂଆ ବିଜେପି ସଭାପତି ନିଯୁକ୍ତ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ ):୨୦୨୪ ଲୋକସଭା ନିର୍ବାଚନ ପୂର୍ବରୁ ଦେଶର ଅନେକ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହାକୁ ଦୃଷ୍ଟିରେ ରଖି ବିଜେପି ଅନେକ ରାଜ୍ୟର ମୁଖିଆଙ୍କୁ ବଦଳାଇଛି।

ଜି. କିଶାନ ରେଡ୍ଡୀଙ୍କୁ ତେଲେଙ୍ଗାନାର ବିଜେପି ରାଜ୍ୟ ସଭାପତି ଭାବେ ନିଯୁକ୍ତ କରାଯାଇଥିବା ବେଳେ ଆନ୍ଧ୍ରପ୍ରଦେଶରେ ଡି.ପୁରନ୍ଦେଶ୍ୱରୀ ହେଲେ ବିଜେପି ମୁଖ୍ୟ ।

ଝାଡ଼ଖଣ୍ଡର ପୂର୍ବତନ ସିଏମ ବାବୁଲାଲ ମାରାଣ୍ଡି ଏବଂ ପଞ୍ଜାବର ସୁନୀଲ ଜାଖରଙ୍କୁ ଦଳ ସଭାପତି ଦାୟିତ୍ୱ ଦିଆଯାଇଛି।

ଆନ୍ଧ୍ରପ୍ରଦେଶର ପୂର୍ବତନ ସିଏମ କିରଣ କୁମାର ରେଡ୍ଡୀଙ୍କୁ ବିଜେପିର ଜାତୀୟ କାର୍ୟ୍ୟନିର୍ବାହୀ ସଦସ୍ୟ କରାଯାଇଥିଲା। ସେ ଏପ୍ରିଲରେ ବିଜେପିରେ ଯୋଗ ଦେଇଥିଲେ।