ଛତିଶଗଡକୁ ନା

ନୂଆପଡା (ବଡ଼ ଖବର ବ୍ୟୁରୋ): ନୂଆପଡାରେ ଦିନକୁ ଦିନ ବଢୁଛି କରୋନା ସଂକ୍ରମିତଙ୍କ ସଂଖ୍ୟା । ଚିନ୍ତାରେ ଜିଲ୍ଲା ତଥା ବ୍ଲକ ପ୍ରଶାସନ । ଯାହା ଫଳରେ ନୂଆପଡା ବାସୀଙ୍କୁ ଛତିଶଗଡ ଯିବାକୁ ବାରଣ କରାଯାଇଛି । ଏନେଇ ନୂଆପଡାରୁ ଛତିଶଗଡ ଯାଉଥିବା ସମସ୍ତ ବସ ଚଳାଚଳକୁ ବନ୍ଦ ଲାଗି ନିର୍ଦ୍ଦେଶ ଦିଆଯାଇଛି । କରୋନା ଲାଗି ଏଭଳି ନିଷ୍ପତ୍ତି ନେଇଛି ବୋଲି କହିଛି ଜିଲ୍ଲା ପ୍ରଶାସନ । ଏନେଇ ସୂଚନା ଦେଇଛନ୍ତି ଜନସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ନିରଞ୍ଜନ ମିଶ୍ର ।

ଅନ୍ୟପଟେ ବ୍ରହ୍ମଦପଡା ଗାଁରେ ଗୋଟିଏ ଦିନରେ ୨୯ କରୋନା ଆକ୍ରାନ୍ତ ଚିହ୍ନଟ ପରେ ନୂଆଗାଁ ପଂଚାୟତରେ ବି ସମାନ ପରିସ୍ଥିତି । କେଉଁଠି ନା କେଉଁଠି ଛତିଶଗଡ ଲିଙ୍କ ଥିବା ଯୋଗୁ ସଂକ୍ରମଣ ସଂଖ୍ୟା ବୃଦ୍ଧି ପାଉଥିବା ସନ୍ଦେହ କରାଯାଉଛି ।