ନୋବେଲ ଶାନ୍ତି ବିଜେତାଙ୍କୁ ୧୦ ବର୍ଷ ଜେଲ୍
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସରକାରଙ୍କ ବିରୋଧରେ ପ୍ରୋଟେଷ୍ଟ କରିବା ପଡ଼ିଲା ମହଙ୍ଗା । ନୋବେଲ ଶାନ୍ତି ପୁରସ୍କାର ବିଜେତାଙ୍କୁ ୧୦ ବର୍ଷ ଜେଲ । ବେଲାଋଷର ଏକ କୋର୍ଟ ଏଭଳି ଦଣ୍ଡ ଶୁଣାଇଛନ୍ତି । ୨୦୨୨ ନୋବେଲ ଶାନ୍ତି ପୁରସ୍କାର ବିଜେତା ଏଲେସ୍ ବାଲିୟାତ୍ସ୍କିଙ୍କୁ ବେଲାରୁଷ୍ର ଏକ ଅଦାଲତ ୧୦ ବର୍ଷର ଜେଲଦଣ୍ଡ ଦେଇଛନ୍ତି। ଶାନ୍ତି ଶୃଙ୍ଖଳା ଭଙ୍ଗକାରୀଙ୍କୁ ସେ ପାଣ୍ଠି ଯୋଗାଉଥିବା ଅଭିଯୋଗରେ ଏଭଳି ଦଣ୍ଡାଦେଶ ଶୁଣାଇଛନ୍ତି କୋର୍ଟ ।
ମାନବ ଅଧିକାର ଏବଂ ଗଣତନ୍ତ୍ର ପାଇଁ ଉଲ୍ଲେଖନୀୟ ଅବଦାନ ପାଇଁ ୨୦୨୨ରେ ନୋବେଲ ଶାନ୍ତି ପୁରସ୍କାର ପାଇଥିବା ୩ ଜଣଙ୍କ ମଧ୍ୟରେ ଏଲେସ୍ ଜଣେ ଥିଲେ। ୬୦ ବର୍ଷ ବୟସ୍କ ଏଲେସ କହିଛନ୍ତି, ରାଷ୍ଟ୍ରପତି ଆଲେକଜାଣ୍ଡାର ଲ୍ୟୁକାସେଙ୍କୋଙ୍କ ଏକଛତ୍ରବାଦୀ ଶାସନ ତାଙ୍କୁ ନିରବ ରଖିବା ପାଇଁ ପ୍ରୟାସ କରୁଛି। ସେହିଭଳି ମାନବ ଅଧିକାର ସଂଗଠନ ଗୁଡ଼ିକ ଉକ୍ତ ଗିରଫଦାରୀକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଏବଂ ଅନ୍ୟାୟ ବୋଲି କହିଛନ୍ତି।