ସିନ୍ଦୂର ପାଇଁ ବଦଲା… ‘ଅପରେସନ ସିନ୍ଦୂର’
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଧ୍ୟ ରାତିରେ ‘ଅପରେସନ ସିନ୍ଦୂର’ ଆରମ୍ଭ କଲା ଭାରତୀୟ ସେନା । ପାକ୍ ଅଧିକୃତ କାଶ୍ମୀର ପିଓକେର ୯ଟି ଆତଙ୍କୀ ଶିବିର ଉପରେ ଆରମ୍ଭ ହେଲା ଆକ୍ରମଣ । ଭାରତୀୟ ସେନାର ସୂଚନା ଅନୁସାରେ, ପାକିସ୍ତାନ ସେନାର କୌଣସି ଶିବିର ଉପରେ ଆକମ୍ରଣ କରାଯାଇ ନାହିଁ । ପହଲଗାମ ଆତଙ୍କବାଦୀ ଆକ୍ରମଣ ବିରୋଧରେ ଭାରତ ନେଲା ପଦକ୍ଷେପ । ପାକିସ୍ତାନ ଉପରେ ଆରମ୍ଭ କରିଛି ଭାରତ ସିନ୍ଦୁର ର ବଦଲା ଅପେରସନ ସିନ୍ଦୁର ରେ ନେଇଛି ଭାରତ । ପ୍ରତିବଦଳରେ ପାକିସ୍ତାନ ଜବାବ ଦେବ ନେଇ ସୂଚନା ମଧ୍ୟ ଦେଇଛି , ପାକିସ୍ତାନ ଆତଙ୍କୀ ଶିବିର ଉପରେ ମିସାଇଲ ଆଟାକ କରିଛି ଭାରତ ବର୍ତ୍ତମାନର ପ୍ରାଥମିକ ସୂଚନା ଆତଙ୍କୀ ଏବେ ସୁଦ୍ଧା ୯୦ ଜଣ ନିପାତ ହୋଇଛନ୍ତି ।
ପହଲଗାମ ନରସଂହାର ର ବଦଲା ନେଲା ଭାରତ । ୪୮ ଘଣ୍ଟା ଲାହୋର ଏୟାରପୋର୍ଟରୁ ବିମାନ ଉଡାଣ ବନ୍ଦ କରାଯାଇଛି । କାର୍ଯ୍ୟାନୁଷ୍ଠାନ ବାବଦରେ ବିଶ୍ବକୁ ଅବଗତ କଲା ଭାରତ । ଏଥିସହ ଅପରେସନ ସିନ୍ଦୂରରେ ସାମିଲ ଥିଲେ ତିନି ସେନା । ଆର୍ମି , ଏୟାରଫୋର୍ସ ଓ ନେଭିର ମିଳିତ ଅପରେସନ । ହମଲାରେ ଭାରତର ଅତ୍ୟାଧୁନିକ ଅସ୍ତ୍ରଶସ୍ତ୍ରର ବ୍ୟବହାର କରାଯାଇଛି । ସବୁ ଟାର୍ଗେଟରେ ଲୋକେସନ ଗୁଇନ୍ଦା ସଂସ୍ଥା ଦ୍ବାରା ସ୍ପଷ୍ଟ କରାଯାଇଥିଲା । ପାକିସ୍ତାନର ୯ଟି ଆତଙ୍କୀ ଆଡ୍ଡାକୁ ଟାର୍ଗେଟ କରି ଅପେରସନ ସିନ୍ଦୂର ଆରମ୍ଭ କରାଯାଇଛି ।
ପାକିସ୍ତାନରେ ୪ ଓ ପିଓକେରେ ୫ଟି ଆତଙ୍କୀ କେନ୍ଦ୍ରକୁ ଟାର୍ଗେଟ କରାଯାଇଛି । ମୁଜାଫରବାଦରେ ଦୁଇଟି ଆତଙ୍କୀ ଆଡ୍ଡା ଉପରେ ଏୟାରଷ୍ଟ୍ରାଇକ କରାଯାଇଛି । ଭାରତ ତରଫରୁ ଡ୍ରୋନ ଓ ଅତ୍ୟାଧୁନିକ ଅସ୍ତ୍ର ସହାୟତାରେ ୨୪ ଟି ଆକ୍ରମଣ କରି ପାକିସ୍ତାନ ସେନା ଓ ସରକାରର ନିଦ ହଜାଇ ଦେଇଛି । ମାଟିରେ ମିଶିଥିବା ଆତଙ୍କୀ ଆଡ୍ଡା ଭିତରେ ରହିଛି ଦୁର୍ଦ୍ଦାନ୍ତ ଆତଙ୍କବାଦୀ ହାଫିଜ୍ ସଇଦର ଟ୍ରେନିଂ କ୍ୟାମ୍ପ । ୨୬/୧୧ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ହାଫିଜ୍ ସଇଦର ଆତଙ୍କୀ ସଂଗଠନ ଲସ୍କଇ-ଇ- ତୋଏବା ଟ୍ରେନିଂ କ୍ୟାମ୍ପ ଉପରେ ଭାରତ ଜୋରଦାର ଆକ୍ରମଣ କରିଛି ।
ସବୁଠାରୁ ବଡ଼ କଥା ହେଉଛି ୨୬/୧୧ ମୁମ୍ବାଇ ଆକ୍ରମଣରେ ଧରାପଡି ଭାରତରେ ଫାଶି ପାଇଥିବା ଆତଙ୍କବାଦୀ କସାବ ଏହି ଟ୍ରେନିଂ ସେଣ୍ଟରରୁ ଟ୍ରେନିଂ ନେଇ ଭାରତ ଉପରେ ଆକ୍ରମଣ କରିଥିଲା । ଏହି ଆତଙ୍କୀ କ୍ୟାମ୍ପ ସବୁ ମସଜିଦରେ ଚାଲୁଥିବା ବେଳେ ୯ ଟି ମସଜିଦକୁ ଭାରତୀୟ ସେନା ଧ୍ୱଂସ କରିଦେଇଛି । ଭାରତୀୟ ସେନା ପାକ୍ ଅଧିକୃତ କାଶ୍ମୀର, ପଞ୍ଜାବ ପ୍ରାନ୍ତ, ଲାହୋର ଠାରେ ଥିବା ଆତଙ୍କବାଦୀ କ୍ୟାମ୍ପ ଉପରେ ଜୋରଦାର ଆକ୍ରମଣ କରିଛି । ଏହାସହ ସଂସହରାରେ ଥିବା ଅନ୍ୟ ୪ଟି ମସଜିଦକୁ ଭାରତୀୟ ସେନା ବୋମା ଓ ମିସାଇଲ ମାଡ କରି ଉଡାଇ ଦେଇଛି ।