ପରିକ୍ରମା ପ୍ରକଳ୍ପକୁ ବିରୋଧୀଙ୍କ ବୟକଟ୍

ଭୁବନେଶ୍ୱର(ବଡ଼ ଖବର ବ୍ୟୁରୋ):ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ଜୋର ଧରିଛି ରାଜନୀତି । ବିରୋଧୀ କଂଗ୍ରେସ ଓ ବିଜେପି ପରିକ୍ରମା ପ୍ରକଳ୍ପର ଲୋକାର୍ପଣକୁ ବୟକଟ କରିଛନ୍ତି । ରାଜ୍ୟ ବିଜେପି ସଭାପତି ମନମୋହନ ସାମଲ ସରକାରଙ୍କୁ କରିଛନ୍ତି ଟାର୍ଗେଟ । ଜଗନ୍ନାଥ କୌଣସି ଦଳର ନୁହନ୍ତି କିନ୍ତୁ ପ୍ରକଳ୍ପ ଲୋକାର୍ପଣକୁ ବିଜେଡି ଦଳୀୟ କାର୍ଯ୍ୟକ୍ରମ କରିଦେଇଥିବା କହିଛନ୍ତି ମନମୋହନ ସାମଲ ।

ସେପଟେ ପ୍ରକଳ୍ପକୁ ନେଇ ବିଜେଡି ଉପରେ ବର୍ଷିଛନ୍ତି କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ । ୩ଟି ପ୍ରସଙ୍ଗକୁ ନେଇ ସରକାରଙ୍କୁ ଟାର୍ଗେଟ କଲେ ବିଜୟ । କାମିୟା ଜାନୀ ପ୍ରସଙ୍ଗ ଉଠାଇ ସରକାରଙ୍କୁ ଟାର୍ଗେଟ କଲେ । ମହାପ୍ରସାଦ ପ୍ରଚାର ପାଇଁ ଗୋମାଂସ ଭକ୍ଷଣକାରୀଙ୍କୁ ଆଣି ପ୍ରବେଶ କରାଇବା ସହ ଓଡ଼ିଆଙ୍କ ଧର୍ମୀୟ ଭବନା ପ୍ରତି ବିଜେଡି କୁଠାରଘାତ କରିଥିବା କହିଛନ୍ତି ବିଜୟ ।