କରୋନା ନେଲାଣି ୨୬୯ ଡାକ୍ତରଙ୍କ ଜୀବନ: ଆଇଏମଏ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କରୋନା ନେଲାଣି ୨୬୯ ଡାକ୍ତରଙ୍କ ଜୀବନ । କରୋନାର ଦ୍ୱିତୀୟ ଲହରିରେ ୨୬୯ ଡାକ୍ତର ସଂକ୍ରମିତ ହୋଇ ମୃତ୍ୟୁ ବରଣ କରିଛନ୍ତି । ବିହାରରେ ସବୁଠାରୁ ଅଧିକ ଡାକ୍ତରଙ୍କ ମୃତ୍ୟୁ ହୋଇଛି । ବିହାରରେ କରୋନାରେ ୭୮ ଡାକ୍ତରଙ୍କ ମୃତ୍ୟୁ ହୋଇଥିବା ବେଳେ ଉତ୍ତରପ୍ରଦେଶରେ ୩୭, ଦିଲ୍ଲୀରେ ୨୮, ଓଡ଼ିଶାରେ ୧୦, ମହାରାଷ୍ଟ୍ରରେ ୧୪ ଓ ଆନ୍ଧ୍ରପ୍ରଦେଶରେ ୨୨ ଡାକ୍ତରଙ୍କ ମୁଣ୍ଡନେଇଛି କରୋନା ।

ତେବେ ୨୦୨୦ରେ କରୋନାର ପ୍ରଥମ ଲହରି ବେଳେ ୭୪୮ଜଣ ଡାକ୍ତରଙ୍କ ମୃତ୍ୟୁ ହୋଇଥିବା ମଧ୍ୟ ସୂଚନା ଦେଇଛି ଆଇଏମଏ । ଆଇଏମଏ ଆହୁରି ମଧ୍ୟ କହିଛି ଯେ, ଏହାର ବାସ୍ତବିକ ସଂଖ୍ୟା ଅଧିକ ହୋଇ ପାରେ ଆଇଏମଏର ସଦସ୍ୟ ଥିବା ୩.୫ଲକ୍ଷ ଡାକ୍ତରଙ୍କ ସଂଖ୍ୟା ବିଷୟରେ ହିଁ ଆମେ ତଥ୍ୟ ଦେଇ ପାରିବୁ । ତେବେ ଦେଶରେ ୧୨ଲକ୍ଷ ଡାକ୍ତର କରୋନା ଲଢେଇରେ ରହି କାର୍ଯ୍ୟ କରୁଛନ୍ତି ।