ଭାରତ ଆସିବେ ପାକିସ୍ତାନ ଖେଳାଳି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରୁ ମିଳିଲା ଅନୁମତି । ଭାରତରେ ପ୍ରବେଶ କରିବେ ପାକିସ୍ତାନୀ । ପହଲଗାମ ଆତଙ୍କବାଦୀ ଆକ୍ରମଣ ଏବଂ ଅପରେସନ୍ ସିନ୍ଦୂର ପରେ ଭାରତ-ପାକିସ୍ତାନ ମଧ୍ୟରେ ପୁଣିଥରେ କ୍ରୀଡ଼ା ଇଭେଣ୍ଟ ଆରମ୍ଭ ହେବାକୁ ଯାଉଛି ।

ଅଗଷ୍ଟ ୨୯ରେ ଆରମ୍ଭ ହେବାକୁ ଯାଉଛି ଏସିଆ କପ୍ ହକି । ଏସିଆ କପ୍ ଖେଳିବାକୁ ଭାରତ ଆସିବ ପାକିସ୍ତାନ ହକି ଟିମ୍ । କେନ୍ଦ୍ର କ୍ରୀଡ଼ା ମନ୍ତ୍ରାଳୟ ପକ୍ଷରୁ ଏନେଇ ମଞ୍ଜୁରୀ ମିଳିଛି । ବିହାରରେ ଅନୁଷ୍ଠିତ ହେବାକୁ ଥିବା ହକି ଏସିଆ କପ୍ ପାଇଁ ପାକିସ୍ତାନୀ ଦଳକୁ ଭାରତ ଆସିବାରୁ ବାରଣ କରାଯିବ ନାହିଁ । ସରକାର ଭାରତରେ ଅନୁଷ୍ଠିତ ହେବାକୁ ଥିବା ବହୁ- ରାଷ୍ଟ୍ରୀୟ ଇଭେଣ୍ଟର କୌଣସି ଦଳ ଅଂଶଗ୍ରହଣ କରିବା ବିରୋଧରେ ନୁହେଁ । ଅନ୍ତର୍ଜାତୀୟ ଆବଶ୍ୟକତାକୁ ବିଚାରକୁ ନେଇ କ୍ରୀଡାରେ ଅଂଶଗ୍ରହଣକୁ ଅସ୍ୱୀକାର କରାଯାଇପାରିବ ନାହିଁ ।