ଛଟ୍ ପୂଜା ପାଇଁ ମିଳିଲା ଅନୁମତି
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ରାଜଧାନୀ ଦିଲ୍ଲୀରେ ଛଟ୍ ପୂଜା ପାଇଁ ଅନୁମତି ମିଳିଛି । ଏନେଇ ଦିଲ୍ଲୀର ଉପ-ମୁଖ୍ୟମନ୍ତ୍ରୀ ମନୀଷ ସିସୋଡିଆ ସୂଚନା ଦେଇଛନ୍ତି । ତେବେ ବର୍ତ୍ତମାନ ଦିଲ୍ଲୀରେ ଛଟ ପୂଜା ସର୍ବସାଧାରଣରେ ପାଳନ କରାଯାଇ ପାରିବ । ହେଲେ କରୋନାକୁ ଦୃଷ୍ଟିରେ ରଖି ଆବଶ୍ୟକ ସତର୍କତା ଏବଂ କଠୋରତା ସହ ପାଳନ ପାଳନ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ପୂର୍ବରୁ ରାଜ୍ୟ ସରକାର ଛଟ୍ ପୂଜା ପାଇଁ ବିଭିନ୍ନ ପ୍ରତିବନ୍ଧକ ଲଗାଇଥିଲେ । ଦିଲ୍ଲୀ ବିପର୍ଯ୍ୟୟ ପରିଚାଳନା ପ୍ରାଧିକରଣ ସେପ୍ଟେମ୍ବର ୩୦ରେ ନଦୀ କୂଳ ତଥା ସର୍ବସାଧାରଣ ସ୍ଥାନରେ ଛଟ୍ ପୂଜା ଉପରେ ପ୍ରତିବନ୍ଧକ ଲଗାଇ ଏକ ନିର୍ଦ୍ଦେଶ ଜାରି କରିଥିଲେ ।
ପରେ ଏହାକୁ ନେଇ ଅନେକ ରାଜନୀତି ମଧ୍ୟ ହୋଇଥିଲା । ଏପରିକି ବିଜେପି ସାଂସଦ ମନୋଜ ତିୱାରୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନ ବାହାରେ ପ୍ରଦର୍ଶନ କରିଥିଲେ । ଏହାକୁ ଦୃଷ୍ଟିରେ ରଖି କେଜ୍ରିୱାଲଙ୍କ ଲେଫ୍ଟନାଣ୍ଟ ଗଭର୍ଣ୍ଣର ଅନିଲ ବୈଜଲ ଛଟ ପୂଜା ପ୍ରସଙ୍ଗରେ ଏକ ଚିଠି ଲେଖିଥିଲେ । ଏହି ଚିଠିରେ ସେ ଛଟ ପୂଜାକୁ ସର୍ବସାଧାରଣରେ ପାଳନ କରିବାକୁ ଅନୁମତି ମାଗିଥିଲେ ।