ନନ୍ଦିଗ୍ରାମରେ ୧୪୪, ଆକାଶ ମାର୍ଗରୁ ନଜର ରଖିଛନ୍ତି ଇସି
କୋଲକତା (ବଡ଼ ଖବର ବ୍ୟୁରୋ): ପଶ୍ଚିମବଙ୍ଗର ୩୦ଟି ବିଧାନସଭା ଆସନ ପାଇଁ ଶୁକ୍ରବାର ସକାଳୁ ଆରମ୍ଭ ହୋଇଛି ଭୋଟଗ୍ରହଣ। ହାଇପ୍ରୋଫାଇଲ ନନ୍ଦିଗ୍ରାମ ଆସନ ଉପରେ ସମସ୍ତଙ୍କ ନଜର ରହିଛି । ତୃଣମୂଳ କଂଗ୍ରେସ ସୁପ୍ରିମୋ ତଥା ମୁଖ୍ୟମନ୍ତ୍ରୀ ମମତା ବାନାର୍ଜୀ ଏଠାରେ ପ୍ରାର୍ଥୀ ହୋଇଛନ୍ତି । ତାଙ୍କୁ ଟକ୍କର ଦେଉଛନ୍ତି ଏକଦା ମମତାଙ୍କ ସହଯୋଗୀ ଥିବା ତଥା ବିଜେପି ନେତା ଶୁଭେନ୍ଦୁ ଅଧିକାରୀ । ନନ୍ଦିଗ୍ରାମ ମମତା ଓ ଶୁଭେନ୍ଦୁଙ୍କ ପାଇଁ ସମ୍ନାନର ପ୍ରଶ୍ନ ହୋଇଛି ।
ବିଜେପି ଏଠାରେ ଜାନ ଲଗାଇ ଦେଇଥିବା ବେଳେ ମମତା ମଧ୍ୟ ପଛରେ ନାହାଁନ୍ତି । ୪ଜିଲ୍ଲାରେ ୩୦ ଆସନରେ ୧୭୧ ପ୍ରାର୍ଥୀଙ୍କ ଭାଗ୍ୟ ନିଧ୍ୟାରଣ କରିବେ ୯ ଲକ୍ଷ ୯୫ ହଜାର ଭୋଟର । ଅତ୍ୟନ୍ତ ସମ୍ବେଦନଶୀଳ ନନ୍ଦିଗ୍ରାମରେ ନିର୍ବାଚନ କମିଶନ ୧୪୪ ଧାରା ଜାରି କରିଛନ୍ତି । ଭୋଟ ଗ୍ରହଣ କେନ୍ଦ୍ରଠାରୁ ୨୦୦ ମିଟର ମଧ୍ୟରେ ୪ରୁ ଅଧିକ ଲୋକ ଏକାଠି ହୋଇପାରିବେ ନାହିଁ । ଅନ୍ୟପକ୍ଷରେ ହେଲିକପ୍ଟର ଯୋଗେ ନନ୍ଦିଗ୍ରାମ ଉପରେ ତୀକ୍ଷ୍ନ ନଜର ରଖାଯାଇଛି । ନନ୍ଦିଗ୍ରାମକୁ ସୁରକ୍ଷା ବଳୟରେ ରଖାଯାଇଛି । ମୁତୟନ ହୋଇଛନ୍ତି ୨୨ କମ୍ପାନୀ କେନ୍ଦ୍ରୀୟ ଫୋର୍ସ ।