ପେଟ୍ରୋଲ ପମ୍ପ ବିସ୍ଫୋରଣ ଘଟଣା, ମିଳିଲାଣି ୩ ବସ୍ତା ପୋଡ଼ା ମାଂସ
ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜଧାନୀରେ ଘଟିଥିବା ପେଟ୍ରୋଲ ପମ୍ପ ବିସ୍ଫୋରଣ ଘଟଣା ସାରା ରାଜ୍ୟକୁ ସ୍ତବ୍ଧ କରି ଦେଇଛି । ସରକାରୀ ସୂଚନା ମୁତାବକ ଜଣଙ୍କର ମୃତ୍ୟୁ ହୋଇଛି । ଅନ୍ୟଜଣେ ଗୁରୁତର ଏସିବି ମେଡିକାଲରେ ଚିକିତ୍ସା ହେଉଛନ୍ତି । ତେବେ ଏହି ବିସ୍ଫୋରଣରେ ୩ ବସ୍ତା ପୋଡ଼ା ମାଂସ ମିଳିଛି । ମାଂସ ଖଣ୍ଡ ଗୁଡ଼ିକୁ ସଂଗ୍ରହ କରିଛି କମିଶନରେଟ ପୋଲିସର ସାଇନ୍ଟିଫିକ୍ ଟିମ୍ ଓ ତାହାର ଯାଞ୍ଚ ମଧ୍ୟ ଚାଲିଥିବା ବେଳେ ଉକ୍ତ ମାଂସ ଖଣ୍ଡ ଗୁଡିକ ର ଡି ଏନ୍ ଏ ପରୀକ୍ଷା କରାଯିବ ବୋଲି କମସନରେଟ ପୋଲିସ ପକ୍ଷରୁ ସୂଚନା ମିଳିଛି ।
ଏହି ଘଟଣାରେ କେତେଜଣ ନିଖୋଜ ତାହା ସ୍ପଷ୍ଠ ହୋଇନାହିଁ । ଏଯାବତ ମୃତକଙ୍କ ହିସାବ ମଧ୍ୟ ମିଳିନାହିଁ । ସୀମାଞ୍ଚଳ ନାମକ ଜଣେ ବ୍ୟକ୍ତି ଉକ୍ତ ଘଟଣା ପରଠାରୁ ନିଖୋଜ ଥିବାରୁ ତାଙ୍କର ମୃତ୍ୟୁ ହୋଇଛି କି ନାହିଁ ତାହା ସ୍ପଷ୍ଠ ହୋଇନାହିଁ । ତାଙ୍କ ଭଉଣୀ କୋହଭରା କଣ୍ଠରେ ଭାଇକୁ ଖୋଜିଆଣିବାକୁ ନିବେଦନ କରିଛନ୍ତି ।