ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଜି ତୃତୀୟ ଥର ପାଇଁ ଶପଥ ନେବେ ନରେନ୍ଦ ମୋଦି । ଶପଥ ଗ୍ରହଣ ପୂର୍ବରୁ ଏନଡିଏ ସହଯୋଗୀ ଏମ୍ପିମାନଙ୍କୁ ମନ୍ତ୍ରୀ କରିବା ପାଇଁ ଫୋନ୍ ଆସିବା ଆରମ୍ଭ ହୋଇଛି। ଟିଡିପି, ଏଲଜେପି (ଆର) ଏବଂ ଜେଡିୟୁ ଭଳି ଦଳର ଏମ୍ପିମାନେ କଲ ପାଇଛନ୍ତି। କେନ୍ଦ୍ର କ୍ୟାବିନେଟରେ ସାମିଲ୍ ପାଇଁ ସମ୍ଭାବ୍ୟ ମନ୍ତ୍ରୀଙ୍କୁ ଫୋନ୍ ଯାଇଥିବା ସୂଚନା । ଜିତନ ରାମ ମାନ୍ଝୀ ଓ ଅନୁପ୍ରିୟା ପଟେଲଙ୍କୁ ଫୋନ୍ ଯାଇଥିବା ସୂଚନା । ଟିଡିପିର ମୋହନ ନାଇଡୁ ଓ ପେମାସାନି ସାମିଲ୍ ହୋଇପାରନ୍ତି ।
ନୀତିନ ଗଡ଼କରି, ରାଜନାଥ ସିଂଙ୍କୁ ମିଳିପାରେ ମନ୍ତ୍ରୀ ପଦ । ଜୟନ୍ତ ଚୌଧୁରୀ ଓ ଚିରାଗ ପାଶୱାନଙ୍କୁ ବି ମିଳିପାରେ ମନ୍ତ୍ରୀ ପଦ । ପୀୟୁଷ ଗୋଏଲ୍, ମନୋହର ଖଟ୍ଟର ଓ ଅର୍ଜୁନ ରାମ ମେଘୱାଲଙ୍କୁ ଯାଇଛି ଫୋନ୍ କଲ୍ । ପୂର୍ବାହ୍ନ ସାଢ଼େ ୧୧ଟାରେ ନୂଆ ମନ୍ତ୍ରୀମାନଙ୍କୁ ଭେଟିବେ ମୋଦି । ଶିବରାଜ ଚୌହାନ, ସର୍ବାନନ୍ଦ ସୋନୱାଲ୍, ବାସଭରାଜ ବୋମ୍ମାଇଙ୍କୁ ଯାଇଛି ଫୋନ୍ । ଜଣଙ୍କ ପରେ ଜଣେ ନେତାଙ୍କୁ ପିଏମ୍ଓରୁ ଯାଉଛି ଫୋନ୍ କଲ୍ ।
