ବାଲେଶ୍ୱର (ବଡ଼ ଖବର ବ୍ୟୁରୋ): ବାହାନଗା ରେଳ ଦୁର୍ଘଟଣା ପରେ ସୀମା ଟପିଲା ରେଳବାଇ ପୋଲିସର ଦାଦାଗିରି । ଏଯାଏଁ ଯାଂଚ ହେଉନି ଗୋଟିଏ ବଗି । ବଗିରେ ମୃତ ଶରୀର ଥିବା ସ୍ଥାନୀୟ ଲୋକଙ୍କ ଅଭିଯୋଗ । ଭିଜୁଆଲ ନେବାକୁ ଯିବାରୁ ‘ବଡ଼ ଖବର’ ପ୍ରତିନିଧିଙ୍କୁ ଆକ୍ରମଣ । ଦୁର୍ଘଟଣାର ସପ୍ତାହେ ପରେ ବି କଣ ଲୁଚାଇବାକୁ ଚାହୁଁଛି ବିଭାଗ? ଉପରିସ୍ଥ କେଉଁ ଅଧିକାରୀ ସେ ବଗି ଲୁଚାଇବାକୁ ଦେଇଛନ୍ତି ନିର୍ଦ୍ଦେଶ ?
https://www.youtube.com/watch?v=bRZ5e7D8c4M
ସେ ବଗିରୁ ଦୁର୍ଗନ୍ଧ ବାହାରି ବ୍ୟାପୁଥିବା ଗ୍ରାମବାସୀ ମାନେ ଅଭିଯୋଗ କରୁଛନ୍ତି । ବଗି ଯାଂଚ ନ ହେବାକୁ ନେଇ ଅନେକ ଲୋକ ଉଠାଇଛନ୍ତି ଆପତି । ଏବେ ବି ଅନେକ ଲୋକ ନିଖୋଜ ଅଛନ୍ତି । ସେହି ବଗି ଭିତରେ କେହି ଫସି ରହିଥିବା ସନ୍ଦେହ କରୁଛନ୍ତି ଲୋକେ । ପୂର୍ବରୁ ମଧ୍ୟ ଉଦ୍ଧାର ଶେଷ ପରେ ବଗିରୁ ବାହାରିଥିଲା ୧୩ ମୃତଦେହ । ୪୮ ଘଂଟା ପରେ ଜଣେ ଜୀବନ୍ତ ଉଦ୍ଧାର ହୋଇଥିଲେ । ତାହା ସତ୍ୱେ ଆଉଗୋଟେ ବଗିକୁ କରାଯାଉନି ଯାଂଚ । ସେ ବଗି ନିକଟକୁ କାହାରିକୁ ଛଡାଯାଉନି କାହା ସାହସରେ ରେଳ ପୋଲିସ ଗଣମାଧ୍ୟମ ପ୍ରତିନିଧିଙ୍କୁ ଧକ୍କା ମାରୁଛନ୍ତି ।
ନିଜ ଦୋଷ ଲୁଚାଇବାକୁ ରେଳ ବିଭାଗ ଏଭଳି କରୁଛି କି ? ରେଳ ପୋଲିସ ଦାଦାଗିରି କରିବାକୁ କିଏ ଦେଇଛି ଅର୍ଡର ? କେଉଁ ସତ ଲୁଚାଇବାକୁ ‘ବଡ଼ ଖବର’କୁ ଅଟକାଉଛି ରେଳ ପୋଲିସ? ଏତେ ଲୋକଙ୍କ ଜୀବନ ଯିବା ପରେ ବି ଚେତୁନାହାନ୍ତି ରେଳ କର୍ମଚାରୀ । ଏଭଳି କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ କି?
