ହାଇଦ୍ରାବାଦ ଆଗରେ ୨୦୪ ରନର ଲକ୍ଷ୍ୟ

ମୁମ୍ବାଇ (ବଡ଼ ଖବର ବ୍ୟୁରୋ): ଆଇପିଏଲର ଚତୁର୍ଥ ମ୍ୟାଚରେ ମୁହାଁମୁହିଁ ହୋଇଛନ୍ତି ସନରାଇଜର୍ସ ହାଇଦ୍ରାବାଦ ଓ ରାଜସ୍ଥାନ ରୟାଲ । ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲସ ଧୂଆଁଧାର ବ୍ୟାଟିଂ କରିଛି । ପ୍ରଥମ ତିନି ବ୍ୟାଟର ଅର୍ଦ୍ଧଶତକ ହାସଲ କରିଛନ୍ତି । ଯଶସ୍ୱୀ ଜୟସ୍ୱାଲ ୩୭ ବଲରେ ୫୪ ଜୋଶ ବଟଲର ୨୨ ବଲରେ ୭ ଚୌକା ଓ ୩ ଛକା ବଳରେ ୫୪ ରନ ସଂଗ୍ରହ କରିଥିଲେ ।

ତିନି ନମ୍ବର ଆସିଥିବା ଅଧିନାୟକ ସଞ୍ଜୁ ସାମସନ ମଧ୍ୟ ବିସ୍ଫୋରକ ଇନିଂସ ଖେଳି ୩ ଚୌକା ୪ ଛକା ବଳରେ ୫୫ ରନ ସଂଗ୍ରହ କରିଥିଲେ । ଶେଷ ଆଡ଼କୁ ସିମରନ ହେଟମାୟାର ୧୬ ବଲରୁ ୨୨ ରନ କରି ନଟଆଉଟ ହୋଇଥିଲେ । ହାଇଦ୍ରାବାଦ ପକ୍ଷରୁ ଫାରୁକି ଓ ନଟରାଜନଙ୍କୁ ଦୁଇଟି ଲେଖାଏଁ ସଫଳତା ମିଳିଥିବା ଉମ୍ରାନ ମଲ୍ଲିକ ଦେବଦତ୍ତ ପଡ଼ିକଲଙ୍କୁ ବୋଲ୍ଡ କରିଥିଲେ । ଆଜି ଦ୍ୱିତୀୟ ମ୍ୟାଚରେ ମୁହାଁମୁହିଁ ହେବେ ରୟାଲ ଚ୍ୟାଲେଞ୍ଜର ବାଙ୍ଗାଲୋର ଓ ମୁମ୍ବାଇ ଇଣ୍ଡିଆନ୍ସ ।