(ବଡ଼ ଖବର ବ୍ୟୁରୋ): ଗୁଣି ଗାରେଡି ସନ୍ଦେହରେ ଯୁବତୀଙ୍କୁ ମାରିଦେଇଥିବା ଅଭିଯୋଗ ହୋଇଛି । ବାଲେଶ୍ଵର ଜିଲ୍ଲା ସିମୁଳିଆ ଥାନା ବାଟି ପଞ୍ଚାୟତ ସୁଙ୍ଗୁଡ଼ା ଗତିପୋଖରୀ ଗାଁରେ ଜଣେ ଯୁବତୀଙ୍କୁ ମାରି ଦେଇଥିବା ଅଭିଯୋଗ ହୋଇଛି। ମୟୁରଭଞ୍ଜ ଜିଲ୍ଲା ଖୁଣ୍ଟା ଥାନା କାଳିଆପଦା ଗାଁର ଦୁର୍ୟ୍ୟୋଧନ ସିଂଙ୍କ ଝିଅ ରଙ୍ଗଲତା ସିଂଙ୍କ ଦେହ ଅସୁସ୍ଥ ଥିବାରୁ ତାଙ୍କୁ ପରିବାର ଲୋକେ ସିମୁଳିଆ ଥାନା ସୁଙ୍ଗୁଡ଼ା ଗତିପୋଖରୀ ଗୁଣିଆ ରୁଖିଆ ସିଂ ପାଖକୁ ଆଣିଥିଲେ।
ସେଠାରେ ରୁଖିଆ ସିଂ ଝଡାଫୁଙ୍କା କରିବା ସହ ଯୁବତୀଙ୍କ ବେକରେ ଚଢି ଯାଇ ଝଡାଫୁଙ୍କା କରିବା ସହ ବେତରେ ମାଡ଼ ମାରିଥିଲେ । ଯୁବତୀ ଜଣଙ୍କ ପାଣି ମାଗିବାରୁ ଗୁଣିଆ ଜଣଙ୍କ ପାଣି ପିଇବାକୁ ଦେଇ ନଥିଲେ। ଯାହା ଫଳରେ ଯୁବତୀ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା । ପରେ ଗ୍ରାମବାସୀ ମାନେ ସିମୁଳିଆ ଥାନାରେ ଅଭିଯୋଗ କରିଥିଲେ। ଅନ୍ୟପଟେ ଏହି ଗ୍ରାମରେ ପୂର୍ବରୁ ଦୁଇ ଦୁଇଟି ଜୀବନ ଯାଇଥିବା ଗ୍ରାମବାସୀମାନେ ପ୍ରକାଶ କହିଛନ୍ତି ।
