ଜାଳିଦେଲେ ପୋଲିସ ଜିପ୍

ତିହିଡି (ବଡ଼ ଖବର ବ୍ୟୁରୋ): ଭଦ୍ରକ ତିହିଡିରେ ଯୁବକଙ୍କ ମୃତ୍ୟୁ ଘଟଣାକୁ ନେଇ ପୋଲିସ ଭ୍ୟାନ ଜାଳିଦେଲେ ଉତ୍ତ୍ୟକ୍ତ ଲୋକେ । ଖବର ଅନୁଯାୟୀ ତହିଡି ଥାନା ହାଟୁଆଡି ଗାଁର ଜଣେ ଭିନ୍ନକ୍ଷମ ଯୁବକଙ୍କୁ କୋଇଲା ଚୋରି ଅଭିଯୋଗରେ ତହିଡି ଥାନା ପୋଲିସ ପଚରାଉଚରା କରିବା ସହ ମାଡ ମାରିଥିବା ଅଭିଯୋଗ ହୋଇଥିଲା । ମାଡ ଖାଇବା ପରେ ଯୁବକ ଜଣକ ପୋଖରୀକୁ ଡେଇଁ ପଡିଥିବା ଅଭିଯୋଗ କରିଛନ୍ତି ପରିବାର ଲୋକେ । ଆଜି ସକାଳୁ ଯୁବକଙ୍କ ମୃତଦେହ ପୋଖରୀରୁ ଉଦ୍ଧାର କରି ଭଦ୍ରକ-ଚାନ୍ଦବାଲି ରାସ୍ତା ଅବରୋଧ କରିଥିଲେ ଉତ୍ତ୍ୟକ୍ତ ଲୋକେ ।

ତେବେ ଘଟଣାସ୍ଥଳରେ ପୋଲିସ ପହଁଚିବା ପରେ ଲୋକେ ରାଗରେ ପୋଲିସ ଭ୍ୟାନ ପୋଡିଦେଇଥିବା ଜଣା ପଡିଛି । ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଥିବା ଭଦ୍ରକ ଏସପି ଚରଣ ସିଂ ମିନା ବଡ଼ ଖବରକୁ ପ୍ରତିକ୍ରିୟା ଦେଇ କହିଛନ୍ତି । ତେବେ ଉତ୍ତ୍ୟକ୍ତ ଲୋକେ ନିଆଁ ଜାଳି ରାସ୍ତା ଅବରୋଧ କରିଥିବାରୁ ସେମାନଙ୍କୁ ଘଉଡାଇବା ପାଇଁ ପୋଲିସ ଲାଠି ଚାଳନା କରିଥିବା କୁହାଯାଉଛି ।