ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ ବର୍ତ୍ତମାନ ବିଜୁଳି ସଙ୍କଟ ମୁଖ୍ୟ ପ୍ରସଙ୍ଗ ଭାବରେ ମୁଣ୍ଡ ଟେକିଛି । ଏନେଇ ରାଜ୍ୟମାନେ ପ୍ରଧାନମନ୍ତ୍ରୀଙ୍କୁ ଚିଠି ମଧ୍ୟ ଲେଖିଥିବାର କଥା ସାମ୍ନାକୁ ଆସିଥିଲା । ହେଲେ ଦେଶରେ ପର୍ଯ୍ୟାପ୍ତ କୋଇଲା ରହିଛି । ତେଣୁ ଦେଶରେ ବିଜୁଳି ସଙ୍କଟ ଥିବାର କୌଣସି ପ୍ରଶ୍ନ ଉଠୁ ନାହିଁ ବୋଲି କେନ୍ଦ୍ର ଶକ୍ତିମନ୍ତ୍ରୀ କହିଥିଲେ । ହେଲେ ବାସ୍ତବ ଚିତ୍ର କଣ ତାହା ସାରା ଦେଶ ଜାଣିଛି ବୋଲି ଦିଲ୍ଲୀ ଶକ୍ତିମନ୍ତ୍ରୀ କହିଛନ୍ତି । ଏହା ସହ ଦିଲ୍ଲୀରେ କୌଣସି ବିଦ୍ୟୁତ କେନ୍ଦ୍ର ନାହିଁ । ଆମେ ଅନ୍ୟ ରାଜ୍ୟର କୋଇଲା ପ୍ଲାଣ୍ଟରୁ ଶକ୍ତି କିଣୁଥାଉ ।
ହେଲେ NTPC ଏହାର ସମସ୍ତ କାରଖାନା ଉତ୍ପାଦନ କ୍ଷମତାକୁ ଅଧା କରିଦେଇଛି । ଏହାର ଦୁଇଟି କାରଣ ଥାଇପାରେ, ପ୍ରଥମରେ କୋଇଲା ଅଭାବ ହୋଇପାରେ କିମ୍ବା ଦ୍ୱିତୀୟରେ କେନ୍ଦ୍ର ସେମାନଙ୍କୁ ଏହା କରିବାକୁ କହିଥାଏ । ଦିଲ୍ଲୀରେ ବ୍ଲାକ ଆଉଟ କେନ୍ଦ୍ରର ନିଷ୍ପତ୍ତି ଉପରେ ନିର୍ଭର କରେ । ବର୍ତ୍ତମାନ କେବଳ ଅଧା ଯୋଗାଣ ଗ୍ରହଣ କରାଯାଉଛି । ଯଦି ଏହା ନହୁଏ ତେବେ ବ୍ଲାକ ଆଉଟ ଆରମ୍ଭ ହେବ ବୋଲି ଦିଲ୍ଲୀ ଶକ୍ତିମନ୍ତ୍ରୀ କହିଛନ୍ତି ।
