ରାମ ମନ୍ଦିର ପାଇଁ ରାଷ୍ଟ୍ରପତିଙ୍କ ଦାନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରାମ ମନ୍ଦିର ପାଇଁ ପ୍ରଥମ ଦାନ ଦେଲେ ରାଷ୍ଟ୍ରପତି । ଅଯୋଧ୍ୟାରେ ଭବ୍ୟ ରାମମନ୍ଦିର ନିର୍ମାଣ ପାଇଁ ସାରା ଦେଶରେ ନିଧି ଆତ୍ମସମର୍ପଣ ଅଭିଯାନ ଆଜିଠାରୁ ଆରମ୍ଭ ହୋଇଛି । ଏଥିରେ ରାଷ୍ଟ୍ରପତି ରାମନାଥ କୋବିନ୍ଦ ଦେଇଛନ୍ତି ପ୍ରଥମ ଚାନ୍ଦା । ପ୍ରଦାନ କରିଛନ୍ତି ୫ ଲକ୍ଷ ୧୦୧ଟଙ୍କାର ଚେକ୍ ।

ସେହିପରି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ୧୧ ଲକ୍ଷ ଟଙ୍କା, ଉଦ୍ଦବ ଠାକରେଙ୍କ ଶିବସେନା ୧ କୋଟି ଟଙ୍କା ଏବଂ ମୋରାରୀ ବାପୁ ୧୧ କୋଟି ଟଙ୍କା ଦାନ କରିଛନ୍ତି । ଏହି ପାଣ୍ଠି ସଂଗ୍ରହ ଅଭିଯାନ ଆସନ୍ତା ଫେବୃଆରୀ ୨୭ ତାରିଖ ପର୍ଯ୍ୟନ୍ତ ଚାଲିବ । ସାରା ଦେଶରେ ଏଥିପାଇଁ ପାଣ୍ଠି ସଂଗ୍ରହ କାର୍ଯ୍ୟକ୍ରମ ଚାଲୁଛି ।