ପରିସ୍ରା ବାହାନାରେ ହାଜତରୁ ଚମ୍ପଟ ମାରିଲା ଆସାମୀ

ମାହାଙ୍ଗା (ବଡ଼ ଖବର ବ୍ୟୁରୋ): ପରିସ୍ରା ବାହାନାରେ ହାଜତରୁ ଚମ୍ପଟ ମାରିଲା ଆସାମୀ । ଚିନ୍ତାରେ ପୋଲିସ । ଏକ ନାବାଳିକା ଅପହରଣ ମାମଲାରେ ଅନୀଲ ଦାସ ନାମକ ଜଣେ ଅଭିଯୁକ୍ତକୁ ଗିରଫ କରିଥିଲା ଭଦ୍ରେଶ୍ୱର ପୋଲିସ । କଟକ ଜିଲ୍ଲା ମାହାଙ୍ଗା ଅଂଚଳର ଭଦ୍ରେଶ୍ୱର ଥାନା ହାଜତ ଭିତରେ ଏହି ଅପରାଧୀକୁ କଡ୍ଡା ସୁରକ୍ଷା ଭିତରେ ରଖାଯାଇଥିଲା ।

ତେବେ ପରିସ୍ରା ଯିବା ବାହାନାରେ ଥାନାରୁ ଅଭିଯୁକ୍ତ ଜଣକ ଫେରାର ହେବା ପରେ ପୋଲିସ ଅଡୁଆରେ ପଡିବା ଚର୍ଚ୍ଚା ଜୋର ଧରିଛି। ଏଠି ପ୍ରଶ୍ନ ଉଠୁଛି, ପୋଲିସ ଆଖିରେ ଧୂଳିଦେଇ ଥାନା ଭିତରୁ କେମିତି ଖସି ଯିବାରେ ସକ୍ଷମ ହେଲା ଏହି ଗିରଫ ଅଭିଯୁକ୍ତ? ପ୍ରଶ୍ନ ଉଠୁଛି ଅଭିଯୁକ୍ତ ଅନୀଲ ଦାସ ଯେତେବେଳେ ପରିସ୍ରା କରିବାକୁ ଗଲା, ସେତେବେଳେ କ’ଣ କରୁଥିଲା ପୋଲିସ ?