ଶିକ୍ଷକ ବଦଳିକୁ ବିରୋଧ, ସ୍କୁଲ ଗେଟରେ ତାଲା
ତିର୍ତ୍ତୋଲ (ବଡ଼ ଖବର ବ୍ୟୁରୋ): ସ୍କୁଲ ଗେଟରେ ତାଲା। ସ୍କୁଲ ଶିକ୍ଷକ ବଦଳିକୁ ବିରୋଧ କରି ଶତାଧିକ ଗ୍ରାମବାସୀଙ୍କ ଗଣ ଧାରଣା। ତିର୍ତ୍ତୋଲ ବ୍ଲକ ମଣିଜଙ୍ଗା ଉଚ୍ଚ ବିଦ୍ୟାଳୟ ସମ୍ମୁଖରେ ପଞ୍ଚାୟତର ଶତାଧିକ ଲୋକମାନଙ୍କ ଦ୍ୱାରା ଗଣ ଧାରଣା। ଏହି ବିଦ୍ୟାଳୟରେ ଜଣେ ମାତ୍ର ପୁରୁଷ ଶିକ୍ଷକ ଭାବେ ନିଯୁକ୍ତି ହୋଇଥିବା ଆଲୋକ କୁମାର ମହାପାତ୍ର ଅନ୍ୟତ୍ର ବଦଳି ପାଇଁ ଚିଠି ଆସିବା ପରେ ଏହାର ପ୍ରତିବାଦରେ ସ୍ୱର ଉଠିଛି।
ଏହି ବିଦ୍ୟାଳୟରେ ଦୀର୍ଘ ତିନିବର୍ଷ ହେବ ପ୍ରଧାନ ଶିକ୍ଷକ ପଦ ଫାଙ୍କା ରହିଛି। ପ୍ରଧାନ ଶିକ୍ଷକ କାର୍ଯ୍ୟ କାମଚଳା ପାଇଁ ନିଯୁକ୍ତି ହୋଇଥିବା ପ୍ରିୟଙ୍କା ପ୍ରିୟଦର୍ଶିନୀ ଦାସଙ୍କ ମନମୁଖୀ କାର୍ଯ୍ୟ ପାଇଁ ଶିକ୍ଷାର ମାନ କମିଥିବା ଦେଖିବାକୁ ମିଳିଛି। ଯାହାକୁ ନେଇ ଜନ ଅସନ୍ତୋଷ ଜୋର ଧରିବା ସହ ଶିକ୍ଷକ ଆଲୋକ କୁମାର ମହାପାତ୍ରଙ୍କ ପୁନର୍ବାର ନିଯୁକ୍ତି ସହ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଦାୟିତ୍ୱ ଥିବା ପ୍ରିୟଙ୍କା ପ୍ରିୟଦର୍ଶିନୀ ଦାସ ଙ୍କୁ ଏହି ପଦରୁ ହଟାଇ ନୂତନ ପ୍ରଧାନ ଶିକ୍ଷକ ନିଯୁକ୍ତି କରାଯିବା ପାଇଁ ଦାବି ହୋଇଛି । ତେବେ ଯେ ପର୍ଯ୍ୟନ୍ତ ଏହି ଦାବି ପୂରଣ ନହୋଇଛି ସେ ପର୍ଯ୍ୟନ୍ତ ଧାରଣା ଜାରି ରହିବ ବୋଲି ସ୍ଥାନୀୟ ବାସିନ୍ଦା କହିଛନ୍ତି ।