ବାଲିଆପାଳ (ବଡ଼ ଖବର ବ୍ୟୁରୋ): ସାରା ରାଜ୍ୟରେ ଏନଏସି ଘୋଷଣା ନହେବା ପ୍ରତିବାଦରେ ଆନ୍ଦୋଳନ ଜାରି ରହିଥିବା ବେଳେ ଆଜି ବାଲିଆପାଳ ବ୍ଲକ ଯୁବ କଂଗ୍ରେସ ପକ୍ଷରୁ ବିକ୍ଷୋଭ ଓ ପ୍ରତିବାଦ ସଭା ଅନୁଷ୍ଠିତ ହୋଇଥିଲା। ତେବେ ନିକଟରେ ରାଜ୍ୟ ସରକାର ୩୫ ଟି ନୂତନ ଏନଏସି ଗଠନ ହେବାର ଘୋଷଣା କରିଥିବା ବେଳେ, ବାଲିଆପାଳକୁ ଏନଏସି ଘୋଷଣାରୁ ବାଦ୍ ଦିଆଯାଇଛି। ଏଠାରେ ସୂଚନାଯୋଗ୍ୟ ୧୯୯୭ ମସିହାରେ ତତ୍କାଳୀନ ବିଧାୟକ ସ୍ବର୍ଗତ ଜୟନାରାୟଣ ମହାନ୍ତିଙ୍କ ଉଦ୍ୟମରେ ବାଲିଆପାଳ କୁ ଏନଏସି ମାନ୍ୟତା ପାଇଁ ସର୍ଭେ ହେବାସହ ନଗର ଉନ୍ନୟନ ବିଭାଗ ତରଫରୁ କେବଳ ଘୋଷଣା କରିବାର ଥିଲା।
ତେବେ ନିକଟରେ ରାଜ୍ୟ ସରକାର ୩୫ ଟି ନୂତନ ଏନଏସି ଗଠିତ ହୋଇଥିବା ଘୋଷଣା କରିଥିବା ବେଳେ ବାଲିଆପାଳକୁ ବାଦ୍ ଦିଆଯାଇଛି। ତେବେ ଏହାକୁ ପ୍ରତିବାଦ କରି ବସ୍ତା ଯୁବକଂଗ୍ରେସର ସଭାପତି ତୀର୍ଥ କୁମାର ନାଗ୍ ଓ ବାଲିଆପାଳ ବ୍ଲକ ଯୁବ କଂଗ୍ରେସ ସଭାପତି ସୁବାସ କୁମାର ନାୟକଙ୍କ ନେତୃତ୍ବରେ ଶହଶହ ଯୁବ କଂଗ୍ରେସ କର୍ମୀ ଜଗନ୍ନାଥ ମନ୍ଦିର ଠାରୁ ମୋଟର ସାଇକେଲ ଶୋଭାଯାତ୍ରାରେ ଥାନାଛକ ପର୍ଯ୍ୟନ୍ତ ଯାଇଥିବା ବେଳେ ବ୍ଲକ୍ ଛକ ସାମ୍ନାରେ ବିକ୍ଷୋଭ ଓ ପ୍ରତିବାଦ ସଭା କରିଥିଲେ। ତେବେ ରାଜ୍ୟ ସରକାର ବାଲିଆପାଳକୁ ଏନଏସି ଘୋଷଣା ନକଲେ ଆଗାମୀ ଦିନରେ ଯୁବକଂଗ୍ରେସ୍ ଆନ୍ଦୋଳନକୁ ଆହୁରି ଜୋରଦାର କରିବ ବୋଲି ମତବ୍ୟକ୍ତ କରିଥିଲେ।
