ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରାହୁଲ ଗାନ୍ଧି ମିଛ କୁହନ୍ତି । ଦେଶରେ ଓ ବିଦେଶକୁ ଯାଇ ବହୁ ମିଛ ମନ୍ତବ୍ୟ ଦେଇଛନ୍ତି । ଏଭଳି କହି ରାହୁଲ ଗାନ୍ଧିଙ୍କୁ କଡ଼ା ସମାଲୋଚନା କରିଛନ୍ତି ବରିଷ୍ଠ ବିଜେପି ନେତା ରବିଶଙ୍କର ପ୍ରସାଦ । ଜାଣିଶୁଣି ମୋଦିଙ୍କୁ ଅପମାନ କରିଛନ୍ତି ରାହୁଲା ତେଣୁ ସମାଜରେ ପଛୁଆ ବର୍ଗ ଲୋକେ କୋର୍ଟକୁ ଯାଇ ମାମଲା କରିଥିଲେ ବୋଲି ରବିଶଙ୍କର କହିଛନ୍ତି ।
କଂଗ୍ରେସ ପାଖରେ ବଡ଼ ବଡ଼ ଓକିଲ ରହିଛନ୍ତି, କାହିଁକି ସୁପ୍ରିମକୋର୍ଟର ଏହି ମାମଲାରେ ରହିତାଦେଶ ଆଣିଲେନି ବୋଲି ସେ ପ୍ରଶ୍ନ କରିଛନ୍ତି । ଖାଲି ରାହୁଲ ନୁହଁନ୍ତି ଦେଶର ୩୨ ଜଣ ଅନ୍ୟ ନେତାଙ୍କ ପଦ ବି ଏଭଳି ରଦ୍ଦ ହୋଇଛି । ଜାଣିଶୁଣି କଂଗ୍ରେସ ଏହାକୁ ପ୍ରସଙ୍ଗ କରୁଛି । ରାହୁଲଙ୍କ ହୀନ ରାଜନୀତି ବିରୋଧରେ ବିଜେପି ସାରା ଦେଶରେ ବିକ୍ଷୋଭ ପ୍ରଦର୍ଶନ କରିବ ବୋଲି ରବିଶଙ୍କର କହିଛନ୍ତି ।
