ପୁଣି ଅଧ୍ୟକ୍ଷ ହେବେ କି ରାହୁଲ!
ଭୁବନେଶ୍ୱର(ବଡ଼ ଖବର ବ୍ୟୁରୋ): କଂଗ୍ରେସର ଅନ୍ତଃକନ୍ଦଳ ଓ ନେତୃତ୍ୱ ସଙ୍କଟ ଭିତରେ ଆସି ଆଜି ବୈଠକ ବସିଛି । ନୂଆ କଂଗ୍ରେସ ଅଧ୍ୟକ୍ଷ ନିଯୁକ୍ତିକୁ ନେଇ ପ୍ରକ୍ରିୟା ଆରମ୍ଭ ହୋଇଛି । ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧି ଦଳର ନୂଆ ଅଧ୍ୟକ୍ଷ ନିଯୁକ୍ତି ଉପରେ ଦଳର ବରିଷ୍ଠନେତାଙ୍କ ସହ ଆଲୋଚନା କରିଛନ୍ତି । ଆଜିଠାରୁ ଆରମ୍ଭ ହୋଇଥିବା ଏହି ପ୍ରକ୍ରିୟା ଆସନ୍ତା ୧୦ ଦିନ ପର୍ଯ୍ୟନ୍ତ ଚାଲିବ ବୋଲି ଦଳ ପକ୍ଷରୁ କୁହାଯାଇଛି ।
କଂଗ୍ରେସ ପ୍ରବକ୍ତା ରଣଦୀପ ସୁରଜେୱାଲା କହିଛନ୍ତି କଂଗ୍ରେସର ୯୯ ପ୍ରତିଶତ ନେତା ରାହୁଲ ଗାନ୍ଧିଙ୍କୁ ଦଳର ଅଧ୍ୟକ୍ଷ ରୂପେ ଦେଖିବାକୁ ଚାହୁଁଛନ୍ତି । ଅନ୍ୟପଟେ ଦଳର ୨୩ ଅସନ୍ତୁଷ୍ଟ ନେତା ଚିଠି ଲେଖି ଦଳର ସଂଗଠାନିକ ପରିବର୍ତନ ପାଇଁ ଦାବି କରିଛନ୍ତି । ସେମାନେ ମଧ୍ୟ ଆଜିର ବୈଠକରେ ଉପସ୍ଥିତ ଥିଲେ । ଏହସହ ରାଜସ୍ଥାନର ମୁଖ୍ୟମନ୍ତ୍ରୀ ଅଶୋକ ଗେହଲେଟ୍ ମଧ୍ୟ ଉପସ୍ଥିତ ରହିଥିଲେ ।