ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ରାହୁଲ ଦ୍ରାବିଡ ଭାରତୀୟ କ୍ରିକେଟ ଦଳର ହେଡ କୋଚ ହେବାର ସମ୍ଭାବନା ଉପୁଜିବାରେ ଲାଗିଛି । ସେପଟେ ଟି-ଟେଣ୍ଟି ବିଶ୍ୱକପ ପରେ ରବି ଶାସ୍ତ୍ରୀଙ୍କ କାର୍ଯ୍ୟକାଳ ସରିଯିବ । ତେଣୁ ହେଡ କୋଚ ଭାବେ ରବି ଶାସ୍ତ୍ରୀଙ୍କ ସ୍ଥାନରେ ରହୁଲ ଦାବ୍ରିଡ ରହିବା ଗୋଟେ ପ୍ରକାର ସ୍ଥିର ହୋଇଯାଇଛି । ଏନେଇ ରାହୁଲ ଦ୍ରାବିଡ ସହମତି ଜଣାଇଥିବାର ସୂଚନା ମିଳିଛି । ସେପଟେ ପାରସ ମାହାମ୍ବ୍ରେ ଭାରତୀୟ ଦଳର ବୋଲିଂ କୋଚ ହୋଇପାରନ୍ତି ।
ତେବେ ହେଡ କୋଚ ଭାବେ ରାହୁଲ ଦ୍ରାବିଡଙ୍କ କାର୍ଯ୍ୟକାଳ ଦୁଇ ବର୍ଷ ହେବ । ସେ ଦୁଇ ବର୍ଷଧରି ଭାରତୀୟ ଜୁନିୟର ଟିମର ହେଡ କୋଚ ଭାବରେ ନିଯୁକ୍ତ ଅଛନ୍ତି । ରାହୁଲଙ୍କୁ ଏଥିପାଇଁ ୧୦ କୋଟି ଟଙ୍କାର ଅଫର ଦିଆଯାଇଛି । ଏହା ସହ ସେ ବୋନସ ମଧ୍ୟ ପାଇବେ । ବର୍ତ୍ତମାନର କୋଚ ରବି ଶାସ୍ତ୍ରୀଙ୍କ ଦରମା ୮.୫ କୋଟି ଟଙ୍କାର ରହିଛି । ଟି-୨୦ ବିଶ୍ୱକପ ପରେ ରାହୁଲ ଦ୍ରାବିଡ ଦାୟିତ୍ୱ ଗ୍ରହଣ କରିବା ସମ୍ଭାବନା ରହିଛି ।
