‘ପୁଣି ମନୋରଞ୍ଜନ ଫେରି ଆସିଛି’
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସାଂସଦ ପଦ ଫେରି ପାଇଲେ ରାହୁଲ ଗାନ୍ଧୀ । ଲୋକସଭା ସଚିବାଳୟ ପକ୍ଷରୁ ଜାରି ହେଲା ବିଜ୍ଞପ୍ତି । ମୋଦି ସରନେମ ମାମଲାରେ ସାଂସଦ ପଦ ହରାଇଥିଲେ । ସୁପ୍ରିମକୋର୍ଟଙ୍କ ରାୟ ପରେ ରାହୁଲ ଗାନ୍ଧୀ ନିଜର ସାଂସଦ ସଦସ୍ୟତା ପଦ ଫେରି ପାଇଛନ୍ତି । ଯାହାକୁ ନେଇ କଂଗ୍ରେସରେ ଖୁସିର ମାହୋଲ ।
ବିରୋଧୀ ମେଣ୍ଟ ‘ଇଣ୍ଡିଆ’ ଉତ୍ସବ ମନାଉଥିବାବେଳ ନିଜ ନିଜ ମଧ୍ୟରେ ମିଠା ଖୁଆଇ ସେଲିବ୍ରେଟ କରିଛନ୍ତି । ସାଂସଦ ପଦ ଫେରି ପାଇବାକୁ ନେଇ ବିଜେପି ସାଂସଦ ନିଶିକାନ୍ତ ଦୁବେ କହିଛନ୍ତି ଯେ ପୁଣି ମନୋରଞ୍ଜନ ଫେରି ଆସିଛି। ଅନ୍ୟପଟେ କଂଗ୍ରେସ ନେତା ପ୍ରମୋଦ ତିୱାରୀ କହିଛନ୍ତି, ରାହୁଲ ଗାନ୍ଧୀ ଫେରିଛନ୍ତି। ସଂସଦରେ ପୁଣି ସିଂହ ଗର୍ଜନ କରିବ।