ଭୁବନେଶ୍ୱର (ବଡ଼ ଖବର ବ୍ୟୁରୋ):: ରାଜ୍ୟରେ କମୁଛି କୋଭିଡ ସଂକ୍ରମଣ ହାର । କରୋନା ଗ୍ରାଫ ଏବେ ତଳମୁହାଁ । ତଥାପି ସମ୍ପୂର୍ଣ୍ଣ ନିୟନ୍ତ୍ରଣକୁ ଆସିନାହିଁ । ଜୁଲାଇ ପହିଲାରେ ଆଂଶିକ ଲକଡାଉନ ଅବଧି ଶେଷ ହେବ । ସଂକ୍ରମଣ ହାର ୫ ପ୍ରତିଶତ ତଳେ ଥିବା “ଗ୍ରୀନ ଜୋନ’’ ଏବଂ ୫ ପ୍ରତିଶତ ଉପରେ ଥିବା “ୟେଲୋ ଜୋନ ଜିଲ୍ଲାଗୁଡିକରେ ଲକଡାଉନ କଟକଣାକୁ ଆହୁରି କୋହଳ କରିବାକୁ ରାଜ୍ୟ ସରକାର ଯୋଜନା କରୁଥିବା ଜଣାପଡିଛି ।
ତେବେ ରେଡ ଜୋନ ଉପରେ ଥିବା ଜିଲ୍ଲାଗୁଡିକରେ କଟକଣା ଅଧିକ କଡାକଡି କରାଯାଇପାରେ । ଆଜି ଏ ନେଇ ମୁଖ୍ୟ ଶାସନ ସଚିବ, ସ୍ୱତନ୍ତ୍ର ରିଲିଫ କମିଶନର, ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ, ସମସ୍ତ ଜିଲ୍ଲାପାଳ, ମହାନଗର ନିଗମ କମିଶନର, ମୁଖ୍ୟ ଚିକିତ୍ସାଧିକାରୀଙ୍କୁ ନେଇ କୋଭିଡ ସ୍ଥିତି ଉପରେ ଆଲୋଚନା ହେବାର କାର୍ଯ୍ୟକ୍ରମ ରହିଛି । ଯେଉଁ ଜିଲାଗୁଡିକରେ ୧୦ ପ୍ରତିଶତରୁ ଉପରେ ସଂକ୍ରମଣ ରହୁଛି । ସେଠାରେ କଟାକଣା କଡାକଡି ହେବ ।
