ନାବାଳିକା ଛାତ୍ରୀକୁ ଅପହରଣ ଓ ଦୁଷ୍କର୍ମ ଉଦ୍ୟମ ବିରୋଧରେ ନୂଆପଡ଼ା ଆଦିବାସୀ ସଂଘର ବିକ୍ଷୋଭ ପ୍ରଦର୍ଶନ

ନୂଆପଡା(ବଡ଼ ଖବର ବ୍ୟୁରୋ): ନୂଆପଡା ଗଣ୍ଡାବାହାଲି ସେବାଶ୍ରମ ବିଦ୍ୟାଳୟର ନାବାଳିକା କୁ ଅପହରଣ ଓ ଦୁଷ୍କର୍ମ ଉଦ୍ୟମ ବିରୋଧରେ ନୂଆପଡ଼ା ଜିଲ୍ଲା ଆଦିବାସୀ ସଂଘ ବିକ୍ଷୋଭ ପ୍ରଦର୍ଶନ କରିଛି। ଦୋଷୀ ଉପରେ କଡା କାର୍ୟ୍ୟାନୁଷ୍ଠାନ ଓ ଦାୟିତ୍ବରେ ଅବହେଳା କରିଥିବା କର୍ମଚାରୀଙ୍କୁ ବହିଷ୍କାର ଦାବି କରିଛି ସଂଘ। ନୂଆପଡା ଜିଲ୍ଲାପାଳଙ୍କ କାର୍ୟ୍ୟଳୟ ରେ ବିକ୍ଷୋଭ ପ୍ରଦର୍ଶନ କରିବା ସହ ଆଦିବାସୀଙ୍କ ଉପରେ ହେଉଥିବା ଅତ୍ୟାଚାର ଓ ଅନ୍ୟାୟ କୁ ପ୍ରଶାସନ ଅଣଦେଖା କରୁଥିବା କହିଛନ୍ତି ସଂଘର ସଭାପତି। ଗଣ୍ଡାବାହାଳି ସେବାଶ୍ରମ ବିଦ୍ୟାଳୟ ର ଜଣେ ନାବାଳିକା ଛାତ୍ରୀକୁ ଜଣେ ବ୍ୟକ୍ତି ଅପହରଣ ଓ ଦୁଷ୍କର୍ମ ଉଦ୍ୟମ କରୁହୁବା ସମୟରେ ସ୍ଥାନୀୟ ଲୋକେ ଦେଖି ଛାତ୍ରୀକୁ ଉଦ୍ଧାର କରିଥିଲେ ଓ ଅଭିଯୁକ୍ତକୁ ସିନାପାଲି ଥାନା କୁ ଦେଇଥିଲେ। ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି। ଏ ଘଟଣା ଜିଲ୍ଲାରେ ଚର୍ଚ୍ଚାର ବିଷୟ ପାଲଟିଛି।