ପୁରୀ(ବଡ଼ ଖବର ବ୍ୟୁରୋ): ଆସନ୍ତାକାଲିଠୁ ଆରମ୍ଭ ହେବ ଶ୍ରୀମନ୍ଦିର ନାଟମଣ୍ଡମ ମରାମତି କାମ । ଗରୁଡ଼ ସ୍ତମ୍ଭରୁ ପ୍ରଥମେ କାର୍ଯ୍ୟ ଆରମ୍ଭ ହେବ । ମରାମତି ପାଇଁ ପ୍ରଥମେ ତିଆରି ହେବ ୱାର୍କିଂ ପ୍ଲାଟଫର୍ମ। ପ୍ରତିଦିନ ସକାଳ ୬ଟାରୁ ରାତି ୧୦ଟା ମଧ୍ୟରେ କାମ କରାଯିବ । ମରାମତି କାମ ସମୟରେ ଶ୍ରଦ୍ଧାଳୁ, ସେବାୟତଙ୍କ ସୁରକ୍ଷାକୁ ଧ୍ୟାନ ଦିଆଯିବ । ନୀତିକାନ୍ତି ବ୍ୟାଘାତ ନହେଲା ଭଳି ମରାମତି କାମ ଚାଲିବ ।
ନୀତିକାନ୍ତି ଯେତେବେଳେ ନଥିବା ସେହି ସମୟରେ କାମ କରାଯିବ । କାର୍ତ୍ତିକ ମାସ ସରିଲେ, ପୂର୍ଣ୍ଣ ସମୟ ଦେଇ କାମ ହେବ । ଏନେଇ ବସିଥିବା ବୈଠକରେ ଏଭଳି ନିଷ୍ପତ୍ତି ନେଇଥିବା କହିଛନ୍ତି ଶ୍ରମନ୍ଦିର ମୁଖ୍ୟ ପ୍ରଶାସକ ରଞ୍ଜନ ଦାସ। ଶ୍ରୀମନ୍ଦିର ନାଟମଣ୍ଡପ ଓ ଜଗମୋହନ ମରାମତି କାର୍ଯ୍ୟ ସାରିବା ନେଇ ହାଇକୋର୍ଟ ଏଏସଆଇକୁ ନିର୍ଦ୍ଦେଶ ଦେଇଥିଲେ । ମରାମତି ସମୟରେ ସମସ୍ତ ସହଯୋଗ ଯୋଗାଇବ ଶ୍ରୀମନ୍ଦିର ପ୍ରଶାସନ ।
କାର୍ଯ୍ୟର ଅନୁଧ୍ୟାନ କରିବେ ଆମିକସ୍ କୁ୍ୟରି । ୧୫ ଦିନରେ ହାଇକୋର୍ଟଙ୍କୁ ଆସିକସ୍ କୁ୍ୟରି ରିପୋର୍ଟ ଦେବେ । ଦିନକୁ ୬ ଘଣ୍ଟା କାମ କରିବା ସହ ୧୨୦ ଦିନ ମଧ୍ୟରେ କାମ ସରିବ । ଡିସେମ୍ବର ୪ରେ ମାମଲାର ପରବର୍ତ୍ତୀ ଶୁଣାଣି ରହିଛି । କାର୍ତ୍ତିକ ମାସ ଓ ଶ୍ରୀମନ୍ଦିର ପରିକ୍ରମା ପଷ୍ଠଳୂ କାର୍ଯ୍ୟ ଚାଲିଥିବା ନେଇ ସତ୍ୟପାଠ ଦାଖଲ କରିଥିଲେ ଏଏସଆଇ । ଜାରୁଆରୀ ୨୪ ପରେ କାର୍ଯ୍ୟ କରିବା ନେଇ ସମୟ ନେଇଥିଲା ଏଏସଆଇ ।
