ପ୍ରେମୀଯୁଗଳଙ୍କ ମୃତଦେହ ଉଦ୍ଧାର

ନୂଆପଡ଼ା (ବଡ଼ ଖବର ବ୍ୟୁରୋ): ନୂଆପଡ଼ା ଗୋଧସ ଜଳପ୍ରପାତରୁ ପ୍ରେମୀଯୁଗଳଙ୍କ ମୃତଦେହ ଉଦ୍ଧାର । ସେମାନେ ହେଲେ ଛତିଶଗଡ଼ ରାଜ୍ୟ ଗରିଆବନ୍ଧ ଜିଲ୍ଲା ଥୁଆପାନି ଗାଁର। ଯୁବକ ଜଣଙ୍କ ହେଲେ ଧନିରାମ ଅଁଟି ଓ ଯୁବତୀ ଜଣକ ଦେମତି ଶୋରୀ ବୋଲି ଜଣାପଡିଛି। ଉଭୟଙ୍କ ପରିବାର ଲୋକ ଆସି ମୃତଦେହକୁ ଚିହ୍ନଟ କରିଛନ୍ତି। ପରିବାର ଲୋକ ତାଙ୍କ ପ୍ରେମ ସମ୍ପର୍କ ବିଷୟରେ ଆଗରୁ ଜାଣି ନ ଥିବା କହିଛନ୍ତି ।

ଯୁବତୀଙ୍କର ସ୍ବାସ୍ଥ୍ୟଗତ ସମସ୍ୟା ଥିବାରୁ ତାଙ୍କ ବାପା ଝିଅକୁ ବାହା ନ କରିବା ପାଇଁ ମନସ୍ଥ କରିଥିଲେ। ଦୁହେଁ ବିବାହ କରିପାରିବେ ନାହିଁ ବୋଲି ଜାଣିବା ପରେ ଆତ୍ମହତ୍ୟାର ପନ୍ଥା ଆପଣେଇ ନେଇଥିବା ପରିବାର ଲୋକେ ସନ୍ଦେହ କରିଛନ୍ତି। ଶୁକ୍ରବାର ରାତିରୁ ଦୁହେଁ ଘର ଛାଡ଼ି ଫେରର ହୋଇଯାଇଥିଲେ । ରବିବାର ସକାଳେ ଦୁଇଜଣ ଗୋଧସ ଜଳପ୍ରପାତକୁ ଡେଇଁ ପଡିଥିଲେ । ଘଟଣା ସମ୍ପର୍କରେ କିଛି ଲୋକ ଧର୍ମବନ୍ଧା ଥାନାକୁ ସ୍ଥାନୀୟ ଲୋକେ ଜଣାଇଥିଲେ । ଦୁଇ ଦିନ ଅଗ୍ନିଶମ ବିଭାଗର କର୍ମଚାରୀମାନେ ଉଦ୍ଧାର କାର୍ଯ୍ୟ କରିଥିଲେ ବି ମୃତଦେହ ମିଳିନ ଥିଲା। ଆଜି ସକାଳେ ଦୁଇ ଜଣଙ୍କ ମୃତଦେହ ଉଦ୍ଧାର ହୋଇଛି।