ଶ୍ରମିକ ଛଟେଇର ପ୍ରତିବାଦ

ସୁକିନ୍ଦା(ବଡ଼ ଖବର ବ୍ୟୁରୋ): ଓଏମସି ବିଜିଆର କ୍ରୋମାଇଟି ଖଣିରେ ୧୨୬ ଶ୍ରମିକ ଛଟେଇ ନେଇ ଉତ୍ତେଜନା । ଯାଜପୁର ଜିଲ୍ଲା ସୁକିନ୍ଦା ଖଣି ଅଂଚଳର ଓଏମସି ମାଇନିଂରେ ଏହି ଘଟଣା ଘଟିଛି । ମାଇନିଂରେ କାମ କରୁଥିବା ୧୨୬ଜଣ ଶ୍ରମିକଙ୍କୁ ବିଜିଆର ଖଣିରୁ ଛଟେଇ କରାଯାଇଥିବା ନେଇ ଉତ୍ତେଜନା ଲାଗିରହିଛି । ବାହାର ରାଜ୍ୟର ୧୦୦ ଶ୍ରମିକଙ୍କୁ ଛଟେଇ ନକରି ସ୍ଥାନୀୟ ଶ୍ରମିକଙ୍କୁ ଛଟେଇ କରାଯାଇଛି । ଛଟେଇ ହୋଇଥିବା ଶ୍ରମିକମାନେ ଆଜି ବିଜିଆର ମାଇନିଂ କାର୍ଯ୍ୟାଳୟ ସମ୍ମୁଖରେ ଗଣଧାରଣା ବସିବା ସହ ପ୍ରତିବାଦ କରିଥିଲେ ।

ପ୍ରତିବାଦକୁ ଏସଆରସିକେଏମଏସ ଶମିକ ସଂଘ ପକ୍ଷରୁ ସର୍ମଥନ କରାଯାଇଛି । ଆଗାମୀ ୭ ଦିନରେ ଯଦି ଛଟେଇ ଶ୍ରମିକଙ୍କୁ ପୁନଃ ନିଯୁକ୍ତି ନ ଦିଆଯାଏ ତେବେ ସେମାନେ ଏସଆରସିକେଏମଏସ ଶ୍ରମିକ ସଂଘ ସାମିଲ ହୋଇ ଖଣି ଅଂଚଳରୁ ପରିବହନକୁ ବନ୍ଦ କରିବାକୁ ଚେତାବନୀ ଦେଇଛନ୍ତି ।